Shillong, Oct 18: North Khasi Hills District Unit-ni Khasi Students Union, Additional Deputy Commissioner ong•an baksana Ri-Bhoi a•jani District Selection Committee-ni Member Secretary ong•enggipa MB Tongper-ko Sukrobar salo grongaha aro DSC-ni gita kamna rakkianio kraa bewalo rakkina man•a gita uamangni tarigimin 15 points charter ba ja•rikgni niamrangko on•eaha.
Indake DSC-ni gita kamo rakkianio niam gita kraa bewalo rakkichina mol•mole uamangni tarigimin ming 15 point-rangara, politics-o nangchapatgija DSC-ni Non Official Vice Chairman aro Non-Official Member-rangko seokengon kragipa mandeko seokchina, sorkarina dangdike on•enggiparangni bilsio man•gniko parakatchina, kamna galenggipa manderang Meghalaya a•doko songdongkamgipa ong•na nanga aro Khasi aro Jaintia a•dokrango kamna galengon Khasi ku•sikko man•gipa ong•na nanga, Adhoc ba Contractual basis-o kamna rakkianiko bon•atna nanga, DSC-oni porikka ra•gni tarikrang baksa bilsini calendar-ko tarina nanga, porikka seanio man•gipa mark-rangko jinmana parakatna nanga, kamo rakkiengani bichangchio candidate-rangni roll no. ba jekoba dingtangatna nangja, porikka segipa sakantini OMR sheet-ni carbon copy-ko on•a nanga, porikka seani ja•man answer key-ko on•a nanga, advertisement on•ani tarikoni ja 6 mangni gisepon kamo rakkianiko dakna nanga, Grade B, C aro D dake personal interview ra•aniko bon•atna nanga, Question paper-rangko giproroatjana gita namen simsakna nanga, DSC-o Grievances Cell-ko kulina nanga aro Computer-ni gita porikka ra•e nianikoba mikkangchi dakna nanga ine ong•achim.
A•dokni chadamberangna kamko on•ani cholrangni bidingo niatengon, niam gita kraa bewalo kamna rakkianiko man•a gita Central Executive Committee-ni tik ka•gimin ia ming 15 niamrangko pilak DSC-on ja•rikna nanga ine kobor ra•timgiparangna Employment Monitoring Cell-ni Chairman, Banjob Maring aganaha.
Unbaksana, a•doko songdongenggipa chadamberang jemangan kam sandienggiparang ong•achim, uamangna mikkangchi nambata janggi tanganiko on•a, Ri-Bhoi a•jani DSC, ia tik ka•gimin ming15 niamrangko ja•rikanggen ine uamangni Union ka•dongsoenga ineba ua janapataha.
Na·simang ia video-koba nina man·gen:
Na·simang iakoba poraina man·gen: ‘Meghalayan Age’-ni bidingo u•iatna program-ko a•bachengatgen: CM
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
