Guwahati, Oct 12: Guwahati-ona re·baenggipa Northeast Express rel gari Butbar walo a·sel ong·anichi, Assam-ni salaramchipakgipa Tinsukia a·jaoni ma·gipa aro demechik rasong gribee siangaha.
Attamchipak, Bihar-ni Buxar minggipa biapo rel a·sel ong·anio ma·ningsa sakgni siangna gita nangahani gimin, Assam-ni skotong minister Pa Himanta Biswa Sarma, skango Twitter ine jakkalgipa X-o sianggipa nokdangna uni kalimpaaniko see parakataha.
A·selo sianggipa ma·mingsara, bilsi 33 ong·gipa Usha Bhandari aro demechik bilsi 8 ong·gipa Aakriti ong·a aro uamanga, Tinsukia a·jani Sadiya-oni ong·achim.
Guwahati-ona dingtangmancha watatgipa rel gario sak 1000 bata manderang, attam 5 bajimangoni Danapur railway station-oni re·chakatbaaha, aro Kamakhya railway station-ona wal 11 bajio sokeani ong·achim. A·selko chagronggipa rel gario gabagipa Assam-onin sak 540 mangni gitade gnangchim.
Indake ong·engon, Northeast Express relni a·sel ong·anichi jachanggipa manderangko ja·mano Guwahati-ona special relief train-o gate watataha, jean Kamakhya station-ona Bristibar wal 11 bajio sokena gita ka·dongsoenga.
