Maligaon, April 27: Northeast Frontier Railway (NFR), nanggijagipa bosturangko pale battanggimin bilsirango 189.90 crore-rangkosan man•aiachim, indiba ia 2023-2024 bilsio, 6.8 %-rangni gita baridapaha chongmotan ia be•tonggimin silni bosturang ba nanggijagipa bosturangko palenba tangka gong 202.84 crore-rangko man•aha.
Ian Indian Railway-ni gita “Zero Scrap Mission”-ko a•bachengatanichisa ia dal•begipa chusokaniko man•aha. Iako a•bachengatani a•sel, NFR-ni gita uni Division-rang, kam ka•chakram biaprang aro neng•takram biapni be•tonggimin silni bostu ba jabol dakanirang dongjaha, jean rongtal an•tal batatanio aro rail ramarangko namroro silroroatanio on•gilpaani ong•a.
Bilsi bon•achibara, NFR dolrang 23,553 metric ton rail be•tonggimin ba nanggijagipa bosturangko, pangkamgipa ramani silrang baksana gipin be•tonggimin bosturangko 19,192 metric ton mangni gita palna man•aha. Uasan ong•aigija, railway-ni gita ge 26 locomotive to-rangko, 247 tusie re•na man•gipa gari aro 248 bostu gatchakgipa garikoba bon•e galna gita man•aha.
‘Zero Scrap Mission’ programko ong•atanichi Indian Railway-na rail-ni nanggijagipa bosturangko pale tangka paisako man•dapanisan ong•aigija, ia scrap ba be•tonggimin silni bosturangko donchakna gitaba biap chakataha. Ia indake niroke kam ka•aniara station-rang, depot ba bosturangko chimongdame dongipa nokrang, shed ba rail gariko a•songe senggipa biap aro station ning•o donggipa balangga nokrangko, nanggijagipa rail-ni bosturang gapataniko bon•atenba, railway station-ko re•rame rona biap dongate nitobatatnaba dakchakaha.
NFR-ni Chief Public Relations Officer Sabyasachi De, ia program-ni gamchataniko aganangenba, “Indake nirokaniko dakanichi nanggijagipa rail-ni bosturangko pale tangka paisako man•asan ong•aigija, railway station, kam kachakgipa office nokdring aro wilwilao donggipa manderangni rochakram biaprangkoba rongtalbatatna dakchakaha aro station ko nitobataha,” ineba parakatjolangaha.
Na·simang ia video-koba nina man·gen:
Na·simang iakoba poraina man·gen: MasterChef Nambie Marak-ko rimchaksoaniko dakanio, Culinary Master Challenge-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
