Shillong, Oct 6: Bangladeshi aro Rohingya-rangni niamgri napsrukbaaniko champengna kamrangko ka•engon, Northeast Frontier Railway-ni Railway Protection Force (RPF) dolrang, N.F. Railway-ni dingtang dingtang station-rangoniko, 2024 bilsini re•anggipa January jaoni September jaona am•sandianiko dakanio sak 256 niamgri napsrukbagiparang baksana India-ni sak 18 agent ba dakchake on•giparangko rim•aha.
2024 bilsini September 21 tariko, Agartala-ni RPF dol Agartala Railway Station-oniko salanti dakrongbewal gita am•sandianiko dakanio, napsrukbagiparang ine chanchichipenggipa sak 4 me•chik aro sak 7 me•asarangko rim•e sing•sandianiko dakon, rim•a man•gipa manderang India-o songdonggipa ong•ani lekka pancharangko mesokna gita man•jaha. Indake ong•engon, jamano uamang Bangladesh-oni niamgri India a•songona napbaenba, Mumbai aro Ahmedabad-ona train gita re•angna miksongengachim ine ku•rachakaniko dakaha aro jamano uamangko Agartala-ni Government Railway Police dolrangni Officer In-charge-na pakwatataha.
N.F Railway-ni pilak station-rangonan, RPF-ni staff-rangko watataha aro uamang dingtang dingtang gadangrango dongenba niamgri namsrukbaenggiparangko salanti name nichokkianirangko dakenga.
Na·simang ia video-koba nina man·gen:
Na·simang iakoba poraina man·gen: Assam-ni CM, Nijut Moina Scheme-ni tangka paisarangko poraianio chu•sokgipa me•chik bi•sarangna suale on•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
