Shillong, Mar 15: NorthEast United FC baksa Jamshedpur FC, Shillong-ni Jawaharlal Nehru Stadium-o knockout round-ni kal·susaanio March 30 tariko mikkangchakgrike susaanggen.
Indian Super League (ISL), 2024-25 Playoff-o susagni dolrangko sulsul tarigiminko March 12 tariko parakataha.
Indake March 29 aro 30 tariko knockout round-o chegipa dolan semi-final-ona doanggen aro Mohun Bagan SG baksana, FC Goa, Bengaluru FC, NorthEast United FC, Jamshedpur FC aro Mumbai City FC dolrang, iano kal·susana cholko man·aha.
Ia Playoff susagrikanio je dolan gittamgipaoni dokgipaona sokdogen, uamang Single-leg knockout match-o susana cholko man·angskagen aro chegiparang Mohun Bagan SG aro FC Goa baksa semi-final-o susagrikangskagen. Indake April jani 12 tariko final-ko kal·anggen.
ISL Playoff Schedule ka·giminara:
Knockout round-o, Bengaluru FC baksa Mumbai City FC, March 29 tariko susagen aro NorthEast United FC baksa Jamshedpur FC, March 30 tariko mikkangchakgrikangskagen.
Semi-final (Two Legs)-o Knockout 1-o chegipa baksa FC Goa, April 2 aro 6 tariko susagen aro Knockout 2-o chegipa dol baksa Mohun Bagan SG, April 3 aro 7 tariko mikkangchakgrike susaanggen.
Final kal·susaanio, Semi-final 1-o chegipa dol Semi-final 2-o chegipa dol baksa susagrikanggen.
Iani gisepon, knockout round-o ba semi-final kal·susaanio dolgnian apsan score-rangko man·genchimode somoiko on·dapenba penalty-ko kal·atangskagen.
Na·simang ia video-koba nina man·gen:Â
Na·simang iakoba poraina man·gen: Muga jilaniko namdapatna NEHU skie on·anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-Â twitter.com/nemediahub
