Guwahati, Jan 23: NorthEast United FC, 2027 bilsiona bilsi 20 ong•gipa midfielder ba bijangchio donge robol kal•anio an•pachakgipa Mohammad Arshaf-ko dolona rimnapaha. Iana skang ua 2024 Super League Kerala champions ong•gipa Calicut Football Club-na kal•angaha. Arshaf, mikkangchakgrike kal•susaenggipa dolrangko chang 53-na champengna gita man•enba champenganio skanggipa biapo ong•an baksana Emerging Player of the Tournament award-koba man•aha.
2024 Santosh Trophy-ni bon•kamgipa kal•susaanio midfielder Mohammad Ashraf, Kerala-na namen gamchatbegipa robol kal•gipa saksa ong•achim. Robol kal•susaaniko ua skulo a•bachengate, Parappur FC-o skie ra•aniko dakangaha aro Reliance Foundation Developmental League-o kal•susaaniko dakangaha.
NorthEast United FC baksa bakrimna gita ua kusi ong•aniko parakatengon, ian una dal•begipa salba ong•enga maina ua skangnin ia club-ko namnikachim ine aganan baksana uamang baksa apsan kal•susaanina aro dakchakaniko on•a kusi ong•e nisengenga inenba, Arshaf parakataha.
Coach Naushad Moosa, club-ni gita una chanchisamsoanirangko talate on•angaha jeni a•selan ua dolo bakrimna gita ka•donganiko man•aha, inenba Arshaf u•iataha. Una agreba, ua a•gipibatgipa robol kal•giparang jekai Mirshad Michu, Jithin MS aro Mayakkannan baksa agangolpogrikanirangko dakon, uamang ia club-ko rasong on•e agananirangko dakanichi uni bakrimna chanchianio dakchakaniko on•aha, ineba ua aganangkuaha.
Arshaf saksa namen bijangchio donge kal•na sapbegipa ong•a ine Santosh Trophy-na kal•susamitting somoio uamang nikna gita man•aha, inenba Head Coach Juan Pedro Benali parakatan baksana, uamang uko rimchaksona gita namen kusi ong•a maina ua ia dolni bijangchio donge kal•giparangna bilko ra•bagen ineba agandapangkuaha.
Assistant coach Naushad Moosa, uamang pangnan India-ni pilak biaprangnikon robol kal•na sapbegipa manderangko sandironga, indake Santosh Trophy aro Super League Kerala-o Arshaf uamangni gisikko salna gita man•aha ine aganenba, uamang uko rimchaksona aro uni dal•roroanio dakchakaniko on•a kusi ong•bea ineba janapataha.
Na·simang ia video-koba nina man·gen:
Na·simang iakoba poraina man·gen: MeCL-ko chu•gimik private sector-ona ra•bana a•dok sorkari maming chanchisamsoa dongja: Power Minister
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
