Nongpoh, November 10: Umden jolo donggipa chadamberangna lekka pora bida-ko on•a 2021 bilsio a•bachengatgipa, Northern Ri-Bhoi College-oni Bachelor of Arts-o sak 25 graduate ong•chenggiparangna mande ra•pilskaaniko dakangaha.
Ia mande ra•pilskaani sal, college-ni annual celebration week-ba ong•a jeon bang•a niksenggipa manderang jekai, Nongpoh-ni MLA Mayrol Born Syiem, College-ni Chairman, EC Benny, Ri-Bhoi College-ni Principal aro Nongtluh Higher Secondary School-ni Principal, Hesting Syiem baksana chatro chatrirang aro tom•aniona gipin sokbagiparangba bakko ra•angpaaha.
Mayrol Born Syiem, tom•anio aganengon, college-ni skanggipa graduate ong•giparangna kusi ong•chakaniko parakatengon, ian gitcham Skotong Minister, DD Lapang-ni Umden-o donggipa chadamberangna mongsongbate kangal cholgri ong•gipa chadamberangna namgipa lekka pora bida-niko on•a miksonganiko chu•sokatani ba bimang ong•ataniba ong•a ine aganangaha.
Ia college-o skie ra•na chu•onga gita building-rang dongjani a•selo, Nongtluh Higher Secondary School-ni gitcham nokdring-rango skie ra•aniko dakna nangoba, chatro chatrirangni gisiko nange poraianichi ia chu•sokaniko man•ahanina ua rasong on•e aganangaha. Jinmani dilgipa ong•an baksana college-ni member saksa ong•pae, ua college-ni nanganirangna kurangko on•anggen ine aganan baksana, chatro chatrirangko ka•donge dongchina aro mikkangchi nambata salna krenge poraianiko dakangchina gita ua didiangaha.
Na·simang ia video-koba nina man·gen:
Na·simang iakoba poraina man·gen: Chang 48-gipa dama bol 100-ko doke Wangala-ni name matchotanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
