Shillong, Aug 17: Sukrobar salo, Congress dolni sak 3 MLA-rang, bilo ong•enggipa NPP dolona napangna mangsongenga ine u•iani ja•man, uamangoni sak 2 MLA-rangko chong•motan, Nongstoin MLA Gabriel Wahlang aro Mawhati MLA Charles Marngar-ko Meghalaya Pradesh Congress Committee (MPCC)-ni General Secretary, Wansuk Syiem, uamangni party-oniko bilsi 6-na suspend ka•aha.
Indake uamangko party-oni neng•takatenganiara, Block Committee aro Frontal Organization-oniko uamangni MDA sorkari baksa bakrimna mangsonganirangko kobor man•soani ja•man tik ka•aha ine Syiem parakataha.
2023 bilsini Meghalaya Assembly Election-ko ong•atanio Congress doloni ge 5 seat-rango chegipa ong•ahachim aro 2024 bilsini Lok Sabha Election-o Tura-ni MP-na Gambegre MLA Saleng A Sangma seokako man•ahani gimin uamangni ge•sa seat-de komidapahachim.
Iani gisepon da•o Gambegre By-Election-ko ong•atnasiengon, uamangni dolni MLA-rang NPP dol baksa bakrimna mangsonganirangko kobor man•soahachim. Ia suspend ka•a man•gipa MLA-rang baksa Umsning MLA Dr Celestine Lyngdoh-ba dongpaa ine party-o knasoaha.
Indake ong•engon, iani bidingo chanchirimna gita Sukrobar salni bako MPCC tom•aniona uamang sakgittam MLA-rangko okamatahachim, jeon Dr Celestine Lyngdoh mang•mang re•bae bak ra•angaha aro sak2 MLA-rangko suspend ka•aniko MPCC parakataha.
“Chinga uamang sak3-kon tom•aniona okamataha. Indake ong•genchimoba uamangoni, Dr Celestine Lyngdoh re•bae, NPP dolo napchina ine a•jani silroro namroroanina on•gipa scheme-rang jekai, gital block songe on•a, rama jallangrangko tarie on•a aro uandake dingtang dingtang scheme-rangko on•a ku•rachakahaoba ua NPP dol baksa bakrimna mangsongani dongja ine chingna obostarangko talate on•aha” Ine MPCC-ni padot Vincent H Pala aganaha.
Na·simang ia video-koba nina man·gen:
Na·simang iakoba poraina man·gen: Gitcham CM SC Marak-ni a•gilsakko watangahanina Conrad an•tangni duk ong•aniko paraka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
