Shillong, April 23: National People’s Party (NPP)-ni Farmers’ Front, Meghalaya sorkariko game ge·e cha·giparangna dakchakaniko on·a ta·rake ja·ku de·aniko dakchina didiataha. NPP-ni ku·watimgipa Himalaya M Shangpliang, sal·wani damrang namen tang·onaha ine janapataha. Nambatgipa gadangni sal·wani damrangara kg 1-o 55 ka·e, 2-gipa gadangni sal·wani damara gong 40 ka·e aro 3-gipa gadangni sal·wani damara kg-o gong 30 ka·e ong·a ine aganenba, sorkariko ia on·gimin damrangko bariatchina gita ua didiataha. Sorkarini on·gimin gita game cha·gipa sakprako kg 800 mangmangsan sal·warangko palna man·aniko bariatchina gitaba didiataha maina game cha·gipa sakprakan kg 2,000 ba kg 3,000-de man·enga aro agitachagipa sal·warangko uamang mai dakgen uko u·itokja ineba ua janapataha.
West Khasi Hills aro South West Khasi Hills jolrango, gue bisokoni siani sabisi ba wa·ramani sokani a·sel bang·a gue pangrang sianga ba nosto ka·ako man·enga ine Shangpliang janapatengon, iako champengatna gita Horticulture aro Agriculture Department-ko ta·rake ja·ku de·aniko dakchina ua mol·molataha. CM ASSURE Scheme-na sak 5,657 game ge·e cha·giparang bimungtangko segatokahachim, indiba uamangoni sak 4,182-san ra·chakako man·enba, da·o dipet tangka gong kror 5.82-rangko on·atman·aha ineba ua u·iatangaha. Bang·bata game ge·e cha·giparangan ia scheme-ni bidingo u·ija ba jajakuenggiparang dongkuengani gimin iani bidingo bang·e mikrakataniko on·an baksana ta·rake bimung segatanirangko dakna nangenga ineba ua janapataha.
Deputy Chief Minister Prestone Tynsong-ni dakchakanichi, Dibrugarh-o jadonggae dongenggipa 500 metric tons a·salrang da·o Khanapara-ona sokaha ineba ua parakataha. Bang·bata game ge·e cha·giparangan sam bringijagipa a·salrangko jakkale gama ge·aniko dakkujani gimin sam bringijagipa a·salrangko on·e dakchakaniko nangani bidingo ua gisikko on·bate aganangaha.
Farmers’ Front-ni gita Khasi, Jaintia aro Ri-Bhoi a·jarango District President-rangko songe on·angenba, jasani gisepo committee-rangko songchina gita ge·etanikoba on·angaha.
Na·simang ia video-koba nina man·gen:
Na·simang iakoba poraina man·gen: So•ota man•gipa me•chikna kakket bichalko dabie jinma tom•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
