Shillong, Aug 24: Budbar salo, National People’s Party (NPP)-ni bilsi 10 gapaniko Meghalaya a•dok gimikon maniangaha.
Shillong-o NPP-ni bilsi 10 gapaniko NPP-ni national president Conrad K Sangma-ni dilanichi manidilangaha, jeon NPP-ni membor-rang, NPP-ko bikotdilgipa aro Lok Sabha-ni gitcham Speaker PA Sangma sagina mande ra•pilskaanirangko dakangaha.
Ia tom•anio NPP-ni national president aro Meghalaya a•dokni Chief Minister Conrad K Sangma, jinmana aganprakangengon, Tribal-rangna, chonchongipa jatrangna aro songsalni bilgrigipa manderangna kamko ka•na gita NPP-ko a•songni party dake bikotdile on•anggipa PA Sangma-ni on•gilanggipa kamrangko gisik ra•atangaha.
Salgro salaramna ku•rangko on•gipa dolko bikotaniara PA Sangma sagini niksamsoani gnang kam ka•ani ong•achim ine janapatengon, batanggimin bilsi 10-na NPP dol, ia kamkon ka•enga ine Sangma parakataha.
