Tura, Oct 24: November-ni 13 tariko ong•atenggipa Gambegre bye-election-o susana gita Bristibar salo, National People’s Party (NPP)-ni candidate Mehtab Chandee A Sangma, nomination file ka•angaha.
Uni nomination file ka•anganio, uni segipa aro Meghalaya a•dokni Chief Minister Conrad K Sangma baksana NPP-ni dingtang dingtang dilgiparangba dongpaaha.
An•tangni nomination lekkarangko Returning Officer-na on•angani ja•man kobor ra•timgiparang baksa agangrikengon, pilak election-rangan dingtanggrikaia aro uamang party-ni gita manderangona sokangna jotton ka•enga ine Sangma Mehtab Chandee aganaha.
Gambegre constituency-na uni mongsonggipa daitorangko janapatengon, Gambegre-o namroro silroroani aro an•seng baljokaniko nambatatanian uni mongsonggipa daito ong•enga ine Mehtab Chandee aganaha.
Meghalaya a•dokni Chief Minister aro NPP-ni national president Conrad K Sangma-ba kobor ra•timgipa manderang baksa agangrikengon, election changantian uamang rake kamko ka•na nangaia aro darangkoba nom•e ra•gipa ong•ja ine parakataha.
An•tangtangna namgipa dilgipakosa basee seokchina gita ua Gambegre constituency-ni manderangkoba didiataha.
Ia bye-election-o NPP cheani cholrang dongama ine sing•anina aganchakaniko on•angengon, Gambegre constituency-ni manderang NPP-na chakpaanirangko on•engani gimin uamang chegipa ong•na ka•dongenga indiba uamang chu•ongnike dongaigija rakbate kamrangko ka•na nangenga ine Sangma aganaha.
Ia Gambegre bye-election-o NPP-ni Mehtab Chandee A Sangma baksana, Trinamool Congress (TMC)-ni Sadhiarani M Sangma, Congress-ni Jingjang M Marak, Bharatiya Janata Party (BJP)-ni Bernard N Marak aro Independent candidate sakgni, chong•motan Sengkrabirth Ch Marak baksana Jerry A Sangma-ba susaenga.
Na·simang ia video-koba nina man·gen:
Na·simang iakoba poraina man·gen: CM-ni dilanichi skanggipa changna NGH-o Cabinet tom•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
-ni candidate Mehtab Chandee A Sangma, nomination file ka•angaha.){kind=link}