Shillong Apr 7: National People’s Party (NPP)-ni national president aro Meghalaya a·dokni Chief Minister Conrad K Sangma, re·anggipa Bristibar saloni a·bachenge, Arunachal Pradesh a·doko election-na campaign ka·angaha aro uni campaign ka·aniko Sonibar salo matchotataha.
Arunachal Pradesh-o ua Longding, Leparada aro Dumporjio-ona re·ange manderangko grongeaha aro uni campaign ka·anganio unbaksa uni jikgipa aro NPP-ni national treasurer Dr Mehtab Agitok Sangma, NPP-ni national general secretary James K Sangma aro gipin dilgiparangba dongpaaha.
Arunachal Pradesh a·dokni dingtang dingtang biaprango a·dokni Chief Minister Conrad K Sangma, manderangna aganprakengon, NPP dolara NDA-o bakrimgipa dol ong·genchimoba salgro salaram jolo songdongenggipa manderangni aro Tribal-rangni nanganirangna chadenggipa dolsa ong·a ine aganangaha.
Manderang NPP-o ka·dongesa NPP-ni dilgiparangko seokengani gimin pangnan manderangni nanganirangna kamrangko ka·angkuaigen ineba ua aganaha.
Arunachal Pradesh-o namroro silroroaniko nikna man·engani gimin janapangengon, a·dokna namroro silroroaniko ra·bakuna gita gitcham administrative officer-rang aro sorkari officer-rangba NPP-o bakrimaha ine Sangma aganaha.
Arunachal Pradesh Assembly election-o susaenggipa NPP-ni sak 22 candidate-rangko seokchina manderangko didiangengon, manderangni nanganirangko ku·rang on·na aro kam ka·dilna gita namnamgipa candidate-rangkosa nanga aro Arunachal Pradesh a·doko songdongenggipa manderangni pal ku·rangko on·na gita NPP, name nichengesa candidate-rangko seokaha ine NPP-ni national president parakataha.
Meghalaya a·doko namroro silroroaniko ra·bana kam ka·ani bewalrangko janapangskaengon, a·doko manderangni janggi tangani gadangko tang·doatna gita NPP-chi dilenggipa sorkari, game ge·e cha·giparangna, me·chikrangna aro chadamberangna dingtang dingtang program-rangko a·bachengataha ine Sangma parakataha.
Arunachal Pradesh a·dokoba NPP-ni candidate-rang seokako man·genchimode ia apsan ja·kurangko de·e kam ka·anggen ineba ua aganaha.
Purno Agitok Sangma sagini salgro salaram jolna aro jolni manderangna niksamsoanirangko janapangskaengon, salgro salaram jolo donggipa dingtang dingtang jatrangko ku·cholsan ong·e Delhi-o ku·rang on·anikosa ua nangnika aro salgro salaram jolo ku·cholsan rikgipa political dol dongjani giminsa ua salgro salaram jolni ku·rangko on·na gita NPP-ko bikotaha ine Chief Minister parakataha.
Na·simang ia video-koba nina man·gen:
Na·simang iakoba poraina man·gen: Shillong-o hotel-rang Indian Sarain Act-ko ja·rikjaenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
