Jowai, Apr 11: Bristibar salo, West Jaintia Hills a•jani NPP dolrang, re•baenggipa Lok Sabha Election-o susaenggipa NPP-ni candidate, Dr. Ampareen Lyngdoh-na chakpaaniko man•a gita, Jowai-ni Iawmusiang-o jinma tom•bimonganiko ong•atangaha.
Ia tom•bimonganio, Dakchakgipa skotong Minister, Sniawbhalang Dhar, Jowai-ni MLA, Wailadmiki Shylla, Sutnga Saipung-ni MLA, Santamary Mary Shylla aro JHADC-ni MDC-rang dongpae bako ra•angaha.
Indake, Santamary Mary Shylla, NPP-ni dilenggipa sorkarini kosako kragija aro tol•e matnanganirangko bebe ra•jachina manderangko mol•molataha. Unbaksana, VPP party-na kam ka•e on•enggiparang, jemangan gipin political party-rangni tom•bimonganirango rokkomanti kattarangko chrik a•bokaha, uamang gita apsan dakjachina, namgipa cholon aro bewalrangko rakkichina ineba ua NPP-na kam ka•enggiparangko didiataha.
Wailadmiki Shylla-ba, ia eleksin gipin eleksin-rangna bate dingtanggipa ong•a ine aganan baksa, tom•bimonganirango candidate-rangni kosako kragijagipa kattarangchi chrik a•bokanirangna aro Budhbar attamo Umsning-ni MDC-ni nokko ro•ong goanirangna, gisiko suk ong•gijanirangko parakataha.
Indake, Dakchakgipa skotong Minister aro NPP-ni National Secretary, Sniawbhalang Dhar-ba, VPP-na mongsonge chakpaaniko on•enggipa songona re•angahaon, aro uano dongenggipa manderango Ardent Basaiawmoit banoni ine sing•on, 90% manderangan ua banoni uko u•itokjachim ine aganaha.
Indake, 2023 bilsio uamangni party-na chakpaaniko on•aha gitan, a•dokni aro a•jani namgnina, ia changni MP Election-oba NPP-na chakpaaniko on•china inenba ua manderangko mol•molataha.
Na·simang ia video-koba nina man·gen:
Na·simang iakoba poraina man·gen: 2012 bilsio dabigipa songrangni giminsa Assam-M’laya sorkari agangrikkuenga: Conrad
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
