Shillong, Apr 9: National People’s Partyni ong·atgipa tom·bimonganiko VPPni golmal ka·na jotton ka·ara “ka·donga grigipa kam” maina uamang eleksino amtelawa ine u·ia ine NPPni state president aro deputy chief minister Prestone Tynsong aganaha.
“Ia manderang maina inditan ka·donggijaniko mesoka anga u·ipilja. Uamang eleksino cheteljawa ine u·iahani giminan dakengama, maina mancha daka angade u·ipilja. Mainasa uamanga ka·donggijaniko indaka kamchi mesokskaa? Uamangni bewalrangan parake aganenga” ine Tynsong kobor ra·timgiparangna aganaha.
Ri Bhoini Umsningo, Shillongni Jaiaw aro Rynjaho aro Khasi-Jaintia Hillso eleksinna NPPni tom·anirang pilakon ong·nasipile VPP manderangni golmal ka·na jotton ka·ako miksonge Tynsong aganengachim.
Batanggimin bilsirangode Meghalayo MP eleksin namen tom·toma, aro ia changosa indake golmal ka·na jotton ka·anirangko skanggipa changna nikenga ine ua aganaha.
“Ia changode namen kragijani ong·enga, aro uan mongsongbatede VPP manderangni ka·donga gri ong·anichi jeko jakoba dakmikbranggipa kamrang ong·enga.”
Iarangni gimin maiko dakgen sing·on, eleksinna wenanirang tom·tome matchotna man·na gita NPP iarangni bidingo Election Commission of Indiao badi ka·gen ine Tynsong aganaha.
“Indake golmal ka·anirangko Election Commission of Indiani u·iaona sokatna nanggen. Jinma tom·bimonganirango golmal ong·aniko chinga namnikja. Indaken ong·on je obostaba sokbana man·aia. Namgija obostarangba ong·na man·aia. Uni gimin chinga iani kosako badi ka·gen aro Meghalayao tom·tome eleksin wenani aro eleksin ong·anina kam ka·china ECIko mol·molgen.”
Indake ra·chakna man·gijagipa kamrangko pilak dolba ka·jachina mol·molengon Tynsong aganaha: “Pilakna skang an·chingni a·dokni nama bimingni gimin dal·bate ra·e chanchina. Eleksinna wenanirang tom·tome matchotna nanga. Sawa sako seokna nangnika uade pu·ongiparangni gisiko baseani ong·china chinga pakwata.”
Tynsong, Home (Police)niba minister ong·jolani gimin, political partyrangni tom·anirangko golmal ka·na on·jachina DGP aro Sprangna hukum on·e donaha.
“Indake golmal ka·anirangko maikai jako ra·na nanga chinga police dolna agane donmanaha. Chinga a·dok sorkarini gitade iarangni bidingo maiko dakgen chinga u·ia, aro eleksinna wenanirango golmal ong·anina mikrake dongchina DGP aro SPrangna u·iate donaha. Je candidate aro je political partyba ong·ja maina, ECIni on·gimino pangchake wenenga ong·ode uko ong·gija dakna nangja. Darang political party ba candidateni wenanikoba golmal ka·na nangja” ine Tynsong aganaha.
Na·simang ia video-koba nina man·gen:
Na·simang iakoba poraina man·gen: Meghalaya Police-ni ning•o kamna rakkiani bidingo, Prestone Tynsong talata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
