Arunachal Pradesh, Nov 17: Indian Army-ni GAJRAJ Corps, 1962 bilsini November 17 tariko, Nuranang-o dakgrikanio janggitangko on•chakgipa GARHWAL RIFLES-ni sak 4 sipairangko gisik ra•e mande ra•ani bak gita Arunachal Pradesh-ni Jaswant Garh-o Nuranang Day 2024-ko maniangaha, jeon Maha Vir Chakra man•gimin Rifleman Jaswant Singh Rawat baksana uni ka•rimskarang jemangan Sino-Indian dakgrikanio aiao inmanpile ka•donganiko mesokangahachim uamangko mande ra•aniko dakangaha.
Ia gisik ra•ani salko, Jaswant Garh War Memorial-o pulrangko donne a•bachengataha, jeon Rifleman Jaswant Singh Rawat-ni nokdangni manderang, Civil official-rang, kamoni neng•takgiminrang, chatro chatrirang, tourist-rang, Jang-ni Additional Divisional Commissioner, Hakraso Kri baksana sak 300 manderangba dakgrikanio janggitangko on•chakgipa manderangko mande ra•aniko dakangpaaha.
Ia program-ko ong•atanio, Smriti Sthal, chong•motan sianggipa matgrikrangko gisik ra•na tarigimin bimangko oprake on•angan baksana Nuranang-o dakgrikaniko dakmesoke mesokangaha. Uasan ong•aigija, Government Higher and Primary School-rangni chatro chatrirangni jatni bewalo dakmesokanirang, jekai Jang, Bhangra baksana Sela Brigade-ni matgrikrangni Gatka kal•e mesokanirangko dakangaha.
Nuranang Day-ona kingking, Sela Brigade-ni matgrikrang songsalna bang•a program-rang jekai-
November 9 tariko, jolo donggipa manderangni neng•nikanirang aro kamoni neng•takgimin manderang aro bilsi bregimin manderangni on•gilaniko mande ra•china agan-golgrikna kamoni neng•takgiminrang baksana songni gaon bura ba nokmarang baksa tom•bimonganiko ong•atangaha.
November 11 tariko, noksa salani aro skie on•susaani-ko jolo donggipa skul-o ong•atangaha, jeon Arunachal Pradesh-ni chadamberangna dingtang chanchibewalanirang baksana a•song chigatangna warachakani bidingo skie on•angaha.
November 14 tariko, Free Medical Camp-ko ong•atangaha, jeon sak 76 ramram manderang mikron, wagam aro be•en bimangrangko indin check up ka•e on•anirangko dakangaha.
November 16 tariko, GAGRAJ Crops-ni ning•o war memorial-o sianggipa sipairangko gisik ra•e mande ra•aniko dakna aro a•songtang chigatangna ka•saani gisikko ra•dona gita Kameng jolo Arunachal Bullet Club-ni sak 13 rider-rang Battle Tour-ko dakangaha. Uamang Jaswant Garh War Memorial baksana Nyukmadung, Mago aro Chini Gytase biaponaba re•angaha.
Ia Nuranang Day-ko manianiara, India-ni matgrik sipairangko mande ra•aniko dakanio, Arunachal Pradesh-ni manderang, Indian Army-rang aro a•dokni administration-ni gisepo ku•cholsan ong•aniko mesoka. Rifleman Jaswant Singh Rawat-ni nokdangni manderang baksana kamoni neng•takgimin manderangko uamangni a•songna dangdike on•ani palo mitelpilskaaniko dake ia program-ko matchotataha.
Na·simang ia video-koba nina man·gen:
Na·simang iakoba poraina man·gen: IIM Shillong-o Artist Residency Program-ko ong•atanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
