Guwahati, February 2: Network of Women in Media, India (NWMI), chang 19-gipa National Meeting 2025-ko Guwahati Don Bosco Institute of Management-o January jani 31 tarikoni February 2 tarikona ong•atangaha. Ia tom•bimonganio bang•a manderangkon gronggrikaniko dakna, skie ra•na aro mediani gamchatbegipa katta bichongrangni gimin agan-golpogrikaniko dakna rimbana dakchakaha. Media-o kam ka•enggipa me•chikrangna dakchakaniko on•a, kakket ong•e kobor ra•timgipani kamrangko ra•doan baksana media-o aro songsalo mikkang niteagri aro apsangrik bichalko on•anina chakpaaniko on•a miksonganio 2002 bilsio ia dolko a•bachengataha. Ia tom•bimonganiara me•chik kobor ra•timgiparangna saksa sakgipinko gronggrikna, u•ianirangko skie ra•grikan baksana media-o uamangni kam ka•ani bidingo an•tangni changa sapanirangko skie on•a gita nambegipa chol ong•aha.
Ia tom•bimonganio, koborrangko u•iatani, jawilwato kal•gipa me•chikrang, jolni media aro digital chasongni gimin session-rangko dakangaha. India gimikni sak 200-na batpile me•chik kobor ra•timgiparang ia program-o bak ra•angaha.
February jani 1 tarik attamo, “Media : Conflict and Climate Change-Impact on Women” katta bichongko done jinmani tom•bimonganiko NEDFI House-o ong•atangaha.
Kobor setimgipa-Sanjay Hazarika agangrakgipa dake, me•chikrangni namroro silroroanina kamko ka•gipa- Monisha Bahl, lekka pora bida aro ong•telaigipa sinna ding•ani gimin am•sandianiko dakgipa -Kamal Kumar Tanti aro kobor ra•timgipa Tongam Reena, ia jinmani tom•bimonganio dongpae bak ra•angpaaha.
PTI-ni a•gipibatgipa journalist, Dhruba Ghosh, ia session-ko dilangaha. Assam-ni dambebatgipa kobor ra•timgipa Pretty Priyadarshini, kobor ra•timgiparangni chong•motgipa kamde uan ong•a obosta a•damona re•ani, ong•a obosta chong•motko u•ie ra•ani aro ong•a obosta chong•motko ka•donge jinmana parakatani ong•a ine aganenba journalism-ni a•bao dingtang dingtang neng•nikanirangko chagrongna nangani giminba aganangaha.
Dhruba Ghosh, ia tom•bimongani gamchatani gimin aganengon, NWMI dol, Salgro Salaram jolni kobor ra•timgipa me•chikrangko man•chape, India a•songni pilak me•chik kobor ra•timgiparangko rimbana dakchakaha ineba u•iatangaha. Mumbai-o uamangni bon•kamgipa tom•bimonganio ia bilsini tom•bimonganiko Guwahati-o ong•atna tik ka•angenba, sak 10 member donggipa dol iako ong•atangaha.
Ia tom•bimonganio sak 135 bak ra•angpaaha, jeon bilsi karini dintangrorobaani, so•so jengjeng ong•anirang aro kobor ra•timgiparangni gisikni gita neng•nikanirang jekai ong•a obostarangko chagronga jaman gualna man•gija gisiko tom•tom ong•na man•gijani, online gita kragija kattarangko nikani aro be•en bimangni gita saknaa man•a kengnirangni bidingo agan-golpogrikanirangko dakangaha.
Na·simang ia video-koba nina man·gen:
Na·simang iakoba poraina man·gen: CBI, Deepankar Barman-ni kosako gnigipa chargesheet-ko segata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
