Boko, Aug 31: Sukrobar attamo, Boko, Bondapara-ni Janata Sangha kal•chakramo chang 40-gipa Swahid Trophy Invited Football Tournament-ko ong•atani bon•kamgipa robol kal•susaanio Duliajan-ni Oil India FC, Kamrupa FC-ko 3-0 goalrangchi amataha.
Ia tournament-ni gitachm secretary, Munindra Daimary, ia kal•suaaniara All India Football Federation (AIFF) dolni officially ra•chakgimin ong•a ine parakataha.
Janata Sangha aro Purnama Jain Foundation baksa apsan nangrime ong•atgipa ia tournament-ko Guwahati-ni MP Bijuli Kalita Medhi a•bachengate on•angaha. Oil India FC dolni Rahul Das, tournament-o kal•a nambatsranggipa ine bimung mingako man•angaha. Ia kal•susaanio chegiparangna Shanti Kumar Jain-ni jakchi trophy-ko on•angaha aro kal•susaanio 2-gipa ong•gipana trophy-ko Dibas Bardoloi-ni jakchi on•angskaaha. Iani gisepon, Janata Sangha-ni President Ranjit Das best player trophy-ko on•angskaaha.
Ia bon•kamgipa kal•susaaniko ong•atna skang, gitacham robol kal•gipa Bhabaniprasad Das aro Rajnikant Rabha baksana gitacham referee-rang Tajmahal Hussain aro Ashok Das ma•angko mande ra•anikoba dakangaha. Ia kal•susaankko re•anggipa August jani 21 tariko, Assam-oni dol 7 aro Meghalaya-ni dol 1-ko man•gope chu•gimik dol 8-rangko ra•e ong•atangaha. Ia kal•susaanio bak ra•gipa dolrangni bimungrangara, Guwahati-ni ASEB FC, Bongaigaon-oni Eleven Star Club, Duliajan-ni Oil India FC, Baksa-ni Rebels United FC, Goalpara-ni Barmwdai FC, Nalbari-ni MASA FC, Kamrup-ni Kamrupa FC aro Meghalaya Nongstoin-oni Khlieh Mawlieh FC ong•achim.
Janata Sangha-ni President, Ranjit Das, ia kal•susaaniko bilsiantin Assam movement ba Assamese manderang aro India-ni sorkari baksa nanggrikani somoio janggitangko gimaatgipa matgrikrangko gisik ra•ani bak gita ong•atrongbaenga ine parakataha. Ia bon•kamgipa kal•susaanio sak 5000-na batpile nina re•bagiparangko nikna gita man•aha.
Na·simang ia video-koba nina man·gen:
Na·simang iakoba poraina man·gen: Chelchakgipa dolrang Tinsukia-oniko silchidare baksana slai gulirangko man•a : Assam
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
