Dibrugarh, Jan 12 : Sonibar attam-o, Duliajan, Nehru Stadium-o chang 20-gipa Captain Jintu Gogoi, Vir Chakra Memorial Football Tournament-ni bon•kamgipa robol kal•susaanio Oil India FC dolrang, Assam Rifles Training Centre dol-ko amatenba chegipa ong•aha.
Chegipa dolrang championship title baksana tangka gong lakh 5,50,000-ko aro 2-gipa biapko man•gipa tangka gong lakh 3,50,000-ko man•angaha. Ia tournament-ko ong•atani bonkamgipa kal•susaani bilongen ga•subegipa ong•an baksana Capt Jintu Gogoi, Vir Chakra-ko, gisik ra•e mande ra•ani bak gita jatni dakbewal rikbewal aro dakgrik dinggrikanirangko dakmesokani, didianiko on•gipa kattarang baksana Indian Army dolrangni ka•dongani aro ku•cholsan ong•aniko mesokani baksa bon•kamgipa salko dal•bee ong•atangaha.
Iani bon•kamgipa salo, Captain Gogoi-ni ka•donganiko mande ra•aniko dakangan baksana, dakgrik dinggrikanirang aro jatni dakbewal rikbewalrangko dakmesokanio Indian Army-rangni gamchataniko mesoka. Ia dakmesokanirango Punjab-ni Gatka, Gurkha-rangni Khukri ra•e chrokani aro India-ni salgipengchipakni Kalaripayattu aro Silambam-ko man•chapa. Jatni chrok mesaanirang jekai Bihu aro Bhangra-koba iano dakmesokangaha.
Iano minggipin an•saoatanirangara, Combat Free Fall, Indian Army sildorengrangni bangbango bile mesokani aro sipai dolrangni low-hover jump ba sildorengrangoni chokone mesokanirang ong•aha. Una agreba, skia man•gimin achakrang aro sipai dolrangni re•roroe doka dammanirangkoba iano nikangna gita man•aha.
Ia kal•susaani semi-final-o, Assam Rifles dolrang Tea Sports Academy FC-ni kosako 1-0-ko man•e final-ona doangaha aro Oil India FC, Barekuri FC-ni kosako 2-0-ko man•e final donangskaaha. Bang•bate goal-rangko chipanina Narzary Golden Boot-ko, Arup Boruah Golden Gloves-ko aro J Nungrud Player of the Tournament ine bimung donako man•angskaaha.
Lieutenant General Abhijit S Pendharkar, ia tournament-ni bon•kamgipa salo mongsonggipa sokgipa ong•e re•baenba, 1999 Kargil War-o ka•dongbee dakgrikanganina Captain Gogoi-ni ma•a pako mande ra•aniko dakangaha.
Na·simang ia video-koba nina man·gen:
Na·simang iakoba poraina man·gen: Sohra-ni mingsinganiko segatchina CM didia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
