Shillong, May 7: Ong·telaigiparang jekai buring-bolgrim, chiring-chibisik aro iandakgiparangko simsake rakkichina songni-nokni manderangna sorkari bilko on·angaha. Bang·bata songrangan uamangni kange dongimin buring-bolgrim, kanggimin wari aro gipinrang gnang jekon Community Conserved Areas (CCAs) ine agana. Ia committeerang ba songni nokni manderangan wilwilao donggipa sam-bol aro chiring-chibisik aro gipinrangko ripinge rakkina namen nambegipa chol ong·a ine nike Meghalaya Community Conserved Area Forum (MCCAF) ine bimingko done sorkari a·bachengate on·angaha.
Community Conserved Area ba CCA ni 2nd State Level ni Workshopko NEHU Shillongni U Kiang Nongbah Auditoriumo Foundation for Ecological Security (FES) ni gita ong·atangaha aro ia programon MCCAFko a·bachengate on·angjolaha.
Ia programo dam 42 CCArangoni bak ra·angaha. East Khasi Hills, South West Khasi Hills, West Jaintia Hills, East Jaintia Hills, aro South Garo Hills districtrangoni iano bak ra·angaha.
Ia tom·aniona Khasi Garo aro Jaintia jatgittamni manderang apsan tom·rime chanchigrikaha. Meghalaya Community Conserved Area Forum ko maikai namedake chalaina man·gen uarangni bidingo chanchigrikjolaha.
Ia forumko chalaichengna Adhoc committee member rangkoba seokjolangaha. Tom·ao donggipa sakantian ong·telaigipa sambol aro chiring-chibisikrangko ka·sae nirok simsakanio jak snile dangdikna kusi ong·aniko paraktokaha.
Na·simang ia video-koba nina man·gen:
Na·simang iakoba poraina man·gen: W’nagar-o District Level Inter-School Athletic Meet-ko a•bachenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
