Guwahati, Mar 6: Congress party-ni Media and Publicity Department-ni chairperson, Pawan Khera, Assam-ni Skotong Minister Himanta Biswa Sarma-ko “Gaddar” inenba bimung donaha.
Indake, Opposition dilgipa, Guwahati-ni Rajiv Bhawan-o aganprakengon, chinga Himanta Biswa Sarma-ko “Gaddar” inesa ra•chakna man•a inenba parakataha. Indake, ua an•tangko Assam-ni ‘mama’ ine chanenga, aro apsan daken Madhya Pradesh-ni Shivraj Chauhan-ba an•tangko ‘mama’ ine changipa ong•a. Ia mandena je obostan ong•ahachim apsan daken Himanta Biswa Sarma-naba ong•gen. Je mandean Congress dolko cha•bokaha, ua mande Narendra Modi-koba cha•bokgen ine ka•dongsoenga inenba ua agandapataha.
Indake iani gisepon, All India United Democratic Front, Supremo, Badruddin Ajmal, Congress dilgiparangko Himanta Biswa Sarma-na palaha aro iani a•selan uamang, apsan nangrimna man•jaenga inenba, Sombar salo Guwahati-o kobor ra•timgiparangna aganaha.
Congress dolni gitcham working President, Rana Goswami-ni Bharatiya Janata party (BJP) baksa bakrimani somoio, ia chango 400 mangni gita BJP cheahaon Congress dolrangko a•dokni dingtang dingtang party-rangona pripraatgen aro a•song gimikon Congress dolan dongjawaha inenba Skotong Minister Himanta Biswa Sarma aganaha.
Indake aganengani gisepon, Veteran Congress dilgipa Khera, BJP dolrang chegipa ong•jawa ine jajrengenba Himanta Biswa Sarma, Congress dolrang baksa kobor ra•grikenga, indiba chinga biko party-o rimnappiljawaha. Indake, BJP doloni susagni candidate-rangni bimungrangko parakatahaon, bang•a BJP dilgiparang Congress dol baksa nangrimgrikgiparang bang•engaha inenba aganchakataha.
Na·simang iakoba poraie nina man·gen: Lok Sabha election-ni ja·man Rahul Gandhi-ko CID sing·sandina okamatgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
