Shillong, Aug 23: Sakgittam MLA-rangni National People’s Party (NPP)-o napangani ja•man da•o Congress dolo Leader of Opposition (LO) ba Opposition dolko dilgipani kamko jako ra•na gita membor-rang chu•ongjahani gimin da•o ong•enggipa LO-ni kam wataniko sengkuenga ine Sukrobar salo Meghalaya Legislative Assembly-ni Speaker Thomas A Sangma parakataha.
Sukrobar salo, Meghalaya Legislative Assembly-ni Autumn Session-ko a•bachengatani ja•man kobor ra•timgipa manderang baksa agangrikengon, da•o ong•enggipa Opposition dolni dilgipa, Assembly-o membor saksasan ong•aiaha ine pilakan ma•sia, uni gimin Speaker-ni office, uni kamko ra•pilna gita una u•iataniko on•na nanggen ine Assembly Speaker parakataha.
Opposition dolko dilgipani kam da•o Trinamool Congress-na re•angskagnokma ine sing•anina aganchakaniko on•angskaengon, da•o dipet Opposition dolrangoni ia kamko bi•na gita una seata dongkuja aro opposition dolrangoni darangba chu•onga gita membor-rang dongjani gimin ua name chanchibewalchengna nanggen ine Sangma aganaha.
Da•o ong•enggipa LO-na basako Speaker-ni office, u•iataniko on•gen ine sing•skaon, da•o ong•enggipa LO-na u•iataniko on•na nangjana gita ua an•tangan kam wate on•anikosa ua sengkuenga ine Speaker parakataha.
Congress dolni MLA sakgittam, chong•motan Umsning-ni MLA Dr Celestine Lyngdoh, Mawhati-ni MLA Charles Marngar aro Nongstoin-ni MLA Gabriel Wahlang-ni NPP-o napangani ja•man da•o Congress dolo Opposition dolko dilenggipa Ronnie V Lyngdoh saksasan dongaiahachim.
Na·simang ia video-koba nina man·gen:
Na·simang iakoba poraina man·gen: Assam-o bilsi 14 ong•gipa me•chik bi•sako mande sakgittam drae til•eka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
