Gangtok, March 10: Sason ka•ani bidingo, mongsonggipa dingtangataniko ra•bana , Sikkim Democratic Front (SDF) dingtang dingtang Sikkim a•jani party aro India a•songni partyrangko rimchimongenba Sikkim-o President Rule-ko ra•gatchina chanchirimaniko dakangaha.
Opposition dolni dilgiparangara, Bharatiya Janata Party, Sikkim Pradesh Congress Committee aro gipin a•jani dolrangan ong•achim. March ni 9 tarik-o, opposition dolrang Gangtok-o tom•e chanchirimaniko dake iako ra•gatna tik ka•angaha.
Ia tom•anio, re•baenggipa election-ko maikai tom•tome matchotatna man•gen aro a•doko election somoi-o naljokaniko don•a man•gen, uan Article 356-ni ningo President Rule-ko ra•gatanian ong•a, ine uamang janapaha.
Sikkim Legislative Assembly-ni Speaker K.N Rai-ko chadrapani gimin namnikgijaniko me•sokna, opposition dolrang March-ni 11 tariko tom•tom re•jomaniko dakanggen.
SDF ni dilgipa Prem Das Rai kobor ratimgiparangna aganengon, Sikkim-o niam rakkianirang be•gruman•aha aro ia a•doko songdong a•chagipa manderang kenchipchipe dongna nangao ga•akengaha aro ian battanggimin bilsi 5-ni gisepo chotchanggija golmal kajiarang ong•ni a•selan ong•a. Indake dilgiparangko chadrapanirang re•anggimin bilsirango bangen ong•angaha, ineba ua aganangaha.
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
