Tura, May 26 : Tura-ni Police Parade Ground-o ong•atanggipa, P. A Sangma Memorial Cricket Tournament-ko ga•subee matchotata, jeon TP Prince Xl aro Marak Transport A baksa su•sagrikanio, TP Prince Xl dol chegipa ong•e trophy de•angaha.
Ia kal•susaani bonkamgipa salo, Speaker Thomas A Sangma mongsonggipa sokgipa ong•e re•baaha, aro unbaksana ia tournament-ona Rangsakona-ni MLA Subir Marak, Babelapara-ni MDC Rakesh Sangma, TMB-ni chairman J D Sangma aro gipin bil gnanggipa officer-rang baksana committee-ni manderangba re•bae bak ra•angpaaha.
Ia sal 15-na ong•atanggipa tournament-ko May jani 11 tarikoni May jani 25 tarikona ong•atangaha, jeon dol 92-rangni sak hajal 1104 manderangni chugimik chang 90 kal•susaanirangko nikna gita man•aha.
Ia bon•kamgipa kal•anio, toss ka•o Marak Transport A chegipa ong•enba skanggipa dokchenge, chugimik 72 run-rangko man•aha, indake TP Prince Xl ga•subee 7.3 over aro wicket 4 ong•on, ua score-ona sokdona man•enba cheaniko man•skaaha.
Championship trophy aro tangkani boksis-ko TP Prince Xl-na pakwate on•angenba, ia susaanio 2-gipa ong•gipa dol Marak Transport A-na tangka gong lakh 1-ko on•angskaaha.
Indake ong•engon, Marak Transport A dolni Sajon Sah, Man of the series-ko man•enba tangka gong hajal 10-ko man•angaha aro TP Prince Xl dolni Hiraj Rabha, man of the match-ko man•enba tangka gong hajal 5-ko man•angskaaha.
HUB NEWS-na aganengon, “Iandakgipa kal•susaanirangko bilsio changsasan ong•ataigija changgnirang ong•atna nangchongmotenga, jedakode chadamberang drugs ba pekatgipa ringanirangko aro namgijagipa kamrangko ka•e somoi re•atgija an•tangtangko kal•susaanio aro be•enko ranta ka•anio somoirangko jakkalskana man•genchim” inenba P. A. Sangma Memorial Cricket Tournament committee-ni Chairman Dilip Chhetry aganangaha. Unbaksana, District Administration aro Police Department-rangkoba ia kal•susaaniko chu•sokatna man•a gita gisik nange kam ka•anina mittelpilskaaniko dakangaha.
Kal•susaaniko nina re•bagipa sakanti manderangni uamangna chakpaaniko nike, chegipa dol namen kusi ong•beaha.
Na·simang ia video-koba nina man·gen:
Na·simang iakoba poraina man·gen: South Kamrup-o gimaangenggipa chipu nokmako jokata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
