Shillong, Oct 3: University of Science and Technology Meghalaya (USTM)-ni ning•o a•bachengatenggipa PA Sangma International Medical College and Hospital-ko chalaina gita Union Ministry of Health & Family Welfare-ni ra•chakaniko man•aha aro ian a•doko private medical college-rangoni skanggipa private college ong•enga.
Official-rangni aganani gitade, Union Ministry of Health & Family Welfare, bilsio sak 150 MBBS chatro chatrirangko rakkie uamangna skie on•china ine ra•chakangaha aro da•o dipet National Medical Commission (NMC)-oni ra•chakaniko sengengkua.
Batanggimin 2022 bilsini October jao, a•dokni Skotong Minister Conrad K Sangma ia medical college-na pangchakaniko songe on•aha aro ia college-ko pagipa sagiko mande ra•e gisik ra•na rikaha aro ia college-ni gita a•dokni bang•a manderangnan pattiani ong•chongmotgen ine ua aganaha. Ua uni pagipa PA Sangma-ko mande ra•bee, sorkarini dakchakaniko am•e ia medical college-ko rikahanina USTM-ko bikotgipa Mahbubul Hogue-koba mitelpilskaaniko dakangaha.
Indake ong•engon, a•dok sorkariba, ru•uta bilsirangna a•doktango medical college-ko rikaniko matchotatna jotton ka•enga. Shillong Medical College-ko a•bachengatna gita sorkari jotton ka•beenga aro 2025-26 bilsimangni gisepo ia college-ko chalaina man•aba ka•dongsoenga.
Ia college-ko NCM-ba nirokangaha aro ia college-o skie on•a gita specialist-rangna orientation programme-koba sorkari ong•atangaha.
Apsan daken, Garo Hills a•jani Tura-oba iandakgipa medical college-ko rikenga jekon, 2027 bilsimangni gisepo chalaina man•a gita ka•dongsoenga.
Da•o dipet Union Ministry of Health & Family Welfare-ni ning•o, a•dokni Shillong songjinma sepango North Eastern Indira Gandhi Regional Institute Of Health and Medical Sciences (NEIGRIHMS) sorkari medical college gnang jeon, MBBS-ni undergraduate course-ko sak 50 chatro chatrirangna bilsian skie on•aniko dakenga.
A•doko nursing college-rang bang•en donggenchimoba, State-Level medical college-rang dongja ine nikna man•engon, mang•mang central institute NEIGRIHMS-san dongaia ine u•ina man•a. Uni gimin, USTM-ni PA Sangma International Medical College-ko chalaina ra•chakaniko man•ahani gimin ian Meghalaya a•doko skanggipa medical college-ba ong•enga.
Na·simang ia video-koba nina man·gen:
Na·simang iakoba poraina man·gen: Swachhata Hi Seva-ko manianio Municipal-o kam ka•enggiparangko mitelpilskaaniko dakanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
