Tura, Feb 28: Chief Minister’s Special Grant-ni dakchakanichi Tura Basketball Club-ni ong•atenggipa PA Sangma Memorial Basketball Tournament-ko Bristibar salo, Tura-ni Don Bosco College-o a•bachengataha.
Ia basketball tournament-ko Tura-ni gitcham MP aro Lok Sabha-ni gitcham Speaker Purno A Sangma-ko gisik ra•na gita ong•atenga aro ia basketball tournament-o Meghalaya a•dok gimikoni gimik dol 12 basketball kal•giparang bak ra•enga.
Ia basketball kal•susaanio mitam dolrang, jolni basketball kal•giparangna mesokna aro uamangni kal•anirangko namdapatna gita gipin a•dokrangonikoba basketball kal•na changgipa manderangko rimbae kal•atenga.
Ia basketball tournament-ko ong•atanio, West Garo Hills District Administration aro Garo Hills Autonomous District Council (GHADC)-ba dakchakanirangko on•enga aro ia kal•susaaniko ong•atanio, Nivia Sports Pvt Ltd, Meghalaya Express aro Hub News-ba tangka paisarangko dakchake on•enga.
Ia basketball kal•susaaniko a•bachengatanio, West Garo Hills a•jani ADC Nipon Hajong, mongsonggipa sokgipa ong•e bak ra•angaha aro iano Don Bosco College-ni Principal Rev Fr Januarius S Sangma aro Ampati-ni SDSEO Emphul Ch Marak-ba dongpae bak ra•angaha.
Na·simang ia video-koba nina man·gen:
Na·simang iakoba poraina man·gen: Manipur-o police-rangoniko ra•seke katgipa silchidarerangko on•pilea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
