Tura, Sep 2: Purno A•gitok Sangma sagini chang 75-gipa atchiani salko gisik ra•na gita uni somoio rike on•anggipa Tura Super Market-ko National People’s Party (NPP)-chi dilenggipa Meghalaya Democratic Alliance (MDA) sorkari taridape on•gen ine Sukrobar salo, Meghalaya a•dokni Chief Minister Conrad K Sangma parakataha.
Happy to announce that all iconic infrastructures initiated by (L) P A Sangma will be given a facelift to commemorate 75 Years of his Birth Anniversary this year and to honour his many contributions to our State.@PMOIndia pic.twitter.com/0rTIowTHua
— Conrad Sangma (@SangmaConrad) September 2, 2022
1998 bilsio Purno A•gitok Sangma sagini nokdonggae on•anggipa Tura Super Market-ko nieani somoio kobor ra•timgipa manderang baksa agangrikengon, Tura Super Market-ko rike on•aniara PA Sangma sagini gisiko nakatchenggipa kaman ong•achim aro Garo Hills-ni manderang ia kamko nikon Purno Sangma-ni kamkosa nikaha ine Chief Minister parakataha.
Ia Super Market-ko bilsi 20-na skangan a•bachengatahachim aro ua somoio ia Super Marjet-an salgro salaram jol gimiko dal•batsranggipa market complex-ba ong•ahachim.
Ua somoirango bang•a manderangan, Tura jilla gita chonbegipa biapna iandakgipa dal•begipa super market-ko nangja ine agantokahachim indiba ia project Garo Hills-o chu•sokgipa ong•e da•alonan ia market-ni chadenge dongengako nikna man•kuenga.
Indake ong•engon, ia Tura Super Market-ko da•o namdapatna nanganirang dongenga aro ia super market-ko taridapna gita baman sorkari kamrangko a•bachengatgnok ine a•dokni Chief Minister Conrad K Sangma parakataha.
