Tura, Sep 2: Lok Sabha-ni gitcham Speaker aro gitcham Union Minister Purno Agitok Sangma sagini chang 77-gipa atchiani salko Sombar salo, Tura-ni District Auditorium-o maniangaha.
Uni atchiani salko maniani bak gita dingtangmancha program-ko National People’s Youth Front (NPYF), Tura-ni PA Sangma Foundation (PASF) baksa nangrime ong•ataha aro apsan somoion National People’s Party (NPP)-ni chang 12-gipa Foundation Day-koba maniangjolaha.
Ia program-ko ong•atanio, Meghalaya Legislative Assembly-ni Speaker Thomas A Sangma, Deputy Speaker Timothy D Shira, Cabinet Minister Rakkam A Sangma, Cabinet Minister Marcuise N Marak, Meghalaya Industrial Development Corporation (MIDC)-ni Chairman James PK Sangma, NPP-ni MLA-rang aro dingtang dingtang dilgiparangba bak ra•angtokaha.
Ia salko manianio, PA Sangma sagini jikgipa aro PASF-ni Chairman Soradini K Sangma-ba dongpae bak ra•angaha.
Ia program-ko ong•atanio, dingtangmancha JEE Mains 2024-o namgipa gadangko man•e pass ka•anina, India gimikni B-Planning-o skanggipa gadango pass ka•anina aro India gimikni B.Architecture-o dokgipa gadangko man•e pass ka•ahani gimin dingtangmancha Jonathan Singkam M Sangma-na mande ra•pilskaanikoba dakangjolaha aro NPYF-ni gita una gong lak 1 tangkako boksis dake on•ataha. Jonathan-ni pal ia boksisrangko uni ma•gipa Dr Riksilchi M Sangma aro uni pagipa Dr Aelifter R Marak ra•chakeskaaha.
Ia tom•anio dingtang dingtang dilgiparang, jinmana aganprakangengon, PA Sangma sagini janggi tangani aro uni chu•sokatgipa kamrangni gimin aganangenba, uni rakbee kamrangko ka•anichisa Garo Hills aro Meghalaya a•dok gimikni gitan tang•dopana man•aha ine mittelangtokaha. Manderangni namgnina NPP-ni ka•enggipa kamrangni giminba dingtang dingtang dilgiparang, ia tom•anio janapangtokaha.
Na·simang ia video-koba nina man·gen:
Na·simang iakoba poraina man·gen: Malki-o drae til•ekgipa sakgipin mandekoba police-rang rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
