Shillong, Mar 4: Mongolbar salo, Lok Sabha-ni gitcham Speaker aro Meghalaya a•dokni gitcham Chief Minister Purno A Sangma sagini changskugipa siani salko University of Science & Technology Meghalaya (USTM)-ni PA Sangma International Medical College & Hospital (PIMC)-o gisik ra•e maniangaha.
Ia salko gisik ra•e manianio USTM-ni Vice Chancellor Prof GD Sharma, jinmana aganprakangengon, 2008 bilsio USTM Act-ko Meghalaya Legislative Assembly-o ra•gatna gita mongsonggipa kamko ka•ahani gimin PA Sangma sagiko mittelpile aganangaha. Sangma sagiko saksa niksamsoani gnang dilgipa ine janapatengon, a•gilsakni seng•anichi maikai Sangma sagi, chadamberangni gisikrangko tarina kamko ka•aha, uarangni giminba Prof Sharma janapangaha.
PA Sangma sagi saksa USTM-ko nirokdilgipa gita ong•achim ine janapatskaengon, Meghalaya a•doko ia mingnamgipa University-ko kulie on•ahani gimin PA Sangma sagina USTM pangnan gro nanggiparang ong•gen ine Prof Sharma aganaha.
USTM-ni dal•roroanio pilak nanga dakchakanirangko on•engani gimin ua dingtangmancha Meghalaya a•dokni Chief Minister Conrad K Sangma aro uni dolkoba mittelpilangaha.
Ia salko manianio dongpae bak ra•anggipa gipin manderangara, USTM-ni Pro Vice Chancellor Padma Shri Dr Sarbeswar Saharia, PIMC-ni Principal Dr Abhinandan Das, USTM-ni Advisor Dr RK Sharma aro gipinrang ong•a.
Na·simang ia video-koba nina man·gen:
Na·simang iakoba poraina man·gen: NEHU-ni VC Delhi-oni online gita kamrangko a•bachengata, skigiparangni dol iako jegalsoa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
