Tura, Jun 2: Robibar pringwalo, mikkarang jimbee waangani ja·man, PA Sangma Sports Complex-ni Sewage Treatment Plant aro Indoor Hall-2-ni sambao gital rikenggipa boundary wall ba simako kadulgipa pakma be·wakangaha.
Ia stadium-ni pakma be·angani gimin Sports & Youth Affairs-ni Director Isawanda Laloo, talataniko on·angengon, ia pakma be·anichi stadium-ni mongsonggipa bakrangnade maming nangchakeani dongjaha ine parakataha.
Ia Sports Complex-ko rikenggipa Hindustan Steelworks Construction Limited (HSCL) company-ko, ia a·selni bidingo report-ko on·atchina gita ge·etaniko on·ataha ineba Laloo parakataha.
Sonibar walo mikkarang jimbee waangani a·sel ia biapo tarigipa nalarango chirang sikkonge dongaha aro uandaken chirang sikkongahani a·selsa ia pakma be·wakangaha ineba Laloo aganaha.
Ia pakmara biap ra·sekaniko champengna gita niamna rike donchenggipa pakmasan ong·aiachim ine janapatengon, ia biapo da·o gipin pakmarangkoba tarina a·bachengengaha aro ia sports complex-ko rikenggipa company-oniko report-ko man·soahaon, iani bidingo talbate u·iatna man·gen ine sorkari official parakataha.
Ia stadium-ni wilwilao donggipa manderangna naljokaniko on·na gita West Garo Hills a·jani District Administration, nanga gita ja·kurangko de·manaha ineba Laloo parakataha.
Ia pakma be·wakanganichi nangchakeaniko man·gipa nokdangko dingtang biapona apjitatchengaha aro ia nokdangna pilak nanga dakchakanirangko on·aha ineba Sports & Youth Affairs-ni Director parakataha.
Na·simang ia video-koba nina man·gen:
Na·simang iakoba poraina man·gen: Assam-o chi banna re•anio lakh 6 mangna baten manderang nangchakea, konta 24-ni gisepon sak 3 manderang sidapa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
