Tura, Aug 27: Pa Sonaram R Sangma-ni chang 108-gipa siani salko Mongolbar salo, Sonaram Memorial Trust Society aro Garo Students Union (GSU) Assam State Zone (ASZ) nangrimemba, Assam Goalpara a•jani Bakrapur songo maniangaha.
Pa Sonaram Sangma-ni siani salko pangna bilsian Sonaram Memorial Trust Society, GSU ASZ baksa nangrimenba, Bakrapur songo manidilrongenga aro uandaken ia changoba uni siani salko gisik ra•na gita ia apsan biapon maniangtaiaha.
Ia salko manianio, Garo Hills Autonomous District Council (GHADC)-ni Chief Executive Membor (CEM) Albinush R Marak, mongsonggipa sokgipa ong•e bak ra•angaha aro ia tom•anio ua jinmana aganprakangengon, Pa Sonaram Sangma-ni janggi tangani aro uni kamrangni gimin janapangenba, A•chik sakantikon una mittelpilgiparang ong•china aro uni kamrangko gisik ra•kamchina didiangaha.
Mahatma Gandhi jekai, India a•songko British-rangni sasononiko jakgitel ong•atna krenge kamko ka•dilaha, apsan daken Pa Sonaram Sangma-ba A•chikrangko British-rangni onchepe ra•aniko namnikjae, British-rangni sasononiko jakgitel ong•atna an•tangko on•kange kam ka•dilaha ineba GHADC-ni CEM aganaha.
Ia salko manianio, Rabha Hasong Autonomous Council (RHAC)-ni Executive Membor Frylin R Marak-ba saksa sokgipa ong•e, jinmana aganprakangengon, Pa Sonaram R Sangma, Mahatma Gandhi-na skangan jakgitelanina krengdilgipa ong•a aro uni niamo pangchake dakgrikdilanichi jatna adita namgnirangkoba ra•baaha ine parakataha.
Assam a•doko songdongenggipa A•chikrangni gimin janapangengon, Assam a•doko songdongenggipa A•chikrangko gipin jatrang baksa tosusagenchimode pilakni gitan A•chikrang namen ja•manchakkuenggiparang ong•a ine Marak aganaha.
Na·simang ia video-koba nina man·gen:
Na·simang iakoba poraina man·gen: Durand Cup 2024-ni skanggipa semi-final kal•susaanio NorthEast United FC dol goal 3-chi chea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
