Ri-Bhoi, Feb 1: Padma Shri upatti-ko man•gipa sakgni Doctor-rang, chongmotan, Dr. Sarbeswar Sahariah aro Dr. Ilias Ali, Ri-Bhoi a•jao donggipa University of Science and Technology Meghalaya (USTM)-ni bak ong•aha ine Bristibar salo parakataha. Indake, Padma Shri Dr. Sahariah, USTM-ni Pro Vice Chancellor ong•e aro Padma Shri Dr. Ilias Ali, USTM-ni PA Sangma International Medical College & Hospital (PIMCH)-ni Distinguished Professor ong•e join ka•aha.

Indake, sak 40-na batpile mande ra•ako man•a kragipa physician-rang, jemangan kamoni neng•take dongenggipa ong•a aro Voluntary retirement ko ra•na mangsongenggipa physician-rang, USTM-o bakrimna gita sienga.

Ia tom•anio, “Organ Donation: A Humanitarian Approach” ni bidingo, Dr. Sarbeswar Sahariah-ni agan talate on•anichi, ia salko gisik ra•gnigipa sal ong•ataha.

Dr. Sahariah, saksa KIMS Hospitals Hyderabad-ni Chief Transplant Surgeon & Urologist ong•e kamko ka•bagipa ong•achim aro a•song gimikni dingtang dingtang medical institution-rango Renal Transplantation Programme baksa bakrimenba kamko ka•baaha. Ua Assam-ni Mangaldoi-oni ong•achim aro ua, be•enni mongsonggipa bakrangko, 1981 bilsirangonin operation ka•bagipaba ong•achim. Ua PIMC-o Nephrology and Urology Centre of Excellence-ko a•bachengatgen ineba ku•rachakangaha.

Indake, Dr. Ilias Ali, Guwahati-ni Global Hospitalo Managing Director ong•e kamko ka•baaha aro, Assam-ni ning•tugipa songrango, nokdang ba•ku dakanio tarisamsoani gimin chongmotan bi•sa ba•wekwekaoniko champengsona gita kamko ka•e on•bagipa ong•achim. Ua No Scalpel Vasectomy (NSV)-ko ka•china, chongmotan bi•sa ba•aoniko champengsona gita kasi china gita manderangko didironggipa ong•a aro uni indake didianichi bang•a manderangan ia NSV-ko ka•tokaha ine nikna man•a.

Ia tom•anio, Northeast-ni medical chatro chatrirangna nambata bidako on•a man•a gita, nambatsranggipa private medical college-rangko a•bachengate on•anggen ine Dr. Sahariah aganangaha. USTM aro ERD Foundation Guwahati-ni a•bachengatachi, PA Sangma International Medical College and Hospital (PIMCH)-ni ning•o, tangka Paisa gri indin sanna bannaniko dake on•a gita mangsongenga ineba ua agandapataha.

Iakoba poraie nina man·gen: Budget 2024-25: Tax Rate-rango dingtangani dongjawa: Finance Minister

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub