Assam, April 24: Jammu-Kashmirni Pahalgam-o bobil dolrangni ka·saninggija dos gri manderangko so·otani bidingo ong·gija kattarangko agananina Assam Dhing Constituencyni AIUDF MLA Aminul Islam ko policerang rim·aha. Panchayat Election-na wenjojoe aganprakengon 2019 bilsio Pulwamao bobil dolrangni chadrape sak 40 sipairangni sianiba sorkarini maiaba donmitape kam ka·ani a·selsa ong·na nanga ine Islam aganaha. Iandake ong·gija nanggija kattarangko aganahanina Bharatiya Nyaya Sanhita (BNS)section 152/196/197 (i) 113 (i) 352/353-o pangchake uko rim·e donenga.
“2019 bilsio Pulwamao kg 300 ong·gipa RDX ko jakkale bobil dolrang a·songni sak 40 sipairangko nisigalahachim. Ian sorkarini election-o vote ko man·a aro Election-o chena man·a gita maiaba donmitape kam ka·anisa ong·a. Ia ong·a obostani bidingo name dake am·sandichina didianiko on·ahaoba da·o bilsi dok ong·pilahaomangba iani bidingo maming sandianikon dakkuja. Ian Amit Shah aro Modini maiaba donuao kam ka·enganisa ong·a” ine MLA Aminul Islam aganaha.
“Pahalgam-o a·sel ong·gipao bobil dolrang toromko nie so·otaha ine BJP rang aganenga, indiba ian ong·chongmotja, ua a·sel ong·ao Hindu Muslim basea gri bobil dolrang manderangko goaha. Jammu-Kashmirni Governor Satya Pal an·tangba skango Pulwamao a·sel ong·aniko aganengon RDX ko ra·baaniko Modi aro Shah name manchaan uiachim, haida uamangan Jammu Kashmir ko an·chi pari ong·atna ske ning·in ning·in kam ka·engakon” ine AIUDF ni MLA agankuaha.
Aminur Islamni agangipa kattarangna AIUDF ni skotong Maulana Badruddin Ajmal aganengon ” iandake skatang aganbingbangani kattarangko knae namen duk ong·bea. Iandakgipa obosta ong·ani somaio chinga sorkarina chakpaaniko on·enga. Bobil dake chakatgipa dolrang Musalman Hindu ine baseja, uamango toromba dongja” ine aganskaaha.
Na·simang ia video-koba nina man·gen:
Na·simang iakoba poraina man·gen: Meghalaya BJP, Pope Francis-ko mande ra·ani bak gita uni sianina a·doko kalimpaani tom·bimonganiko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
