Shillong, April 23: Kashmirni Pahalgam-o donggipa Baisaran Valley jekon mini Switzerland of Kashmir ine mingsingachim mongolbar salo namen misilbegipa a·sel ong·aha. Manderang chonchongipa gurerango gadoe, nokni manderang baksa, ka·sagrikgiparang baksa, a·songtangni aro gipin a·songni manderang biap niroroe kusi ong·mitingchim. Unomitingchacha samtangtangchi donggipa silongket grimoni ka·namgijagipa silaini gulirang dos gri manderangko nisigalaha. Mongolbar salni 2:30 bajimango ka·namgijagipa bobil dolrang manderangko so·otaha aro nina nitobegipa biap an·chiari aro manderangni manggisirangsa gapchipaha. Baisan ian Pahalgamoni km 5 mang chel·ao donga. Ia biapo 1980 jolrango Hindi Film kal·anirangna namen mingsingbea aro ian namen nina nitobegipa biap damsa ong·achim.
Indigo Airline Kashmirona songregiparangni ia a·selo ga·akgiparangna jakgitele somaiko jakkalani, ra·doani aro cancel ka·na man·aniko April 30 tarikona ra·doataha. Unbaksana April 23 tariko dingtangmancha Delhi Srinagar aro Mumbai Srinagar bilgipa sildorengrangko watatna tarimanaha jedakode songregiparang mamingba jajrenga gri songrena man·gen. Air India Express aro gipinrangba iana dakchakaniko on·pana miksongenga. Songregiparang uamangni songreaniko den·galpilna man·gen aro gamgimin tangkakoba man·pilgen aro sal 7 ni gisepo songreani tarikrangkoba jujagrikatna man·gen ine parakataha.
CRPF aro BSF dolrangko a·sel ong·gipa biapona watatha aro dam 15 wilwilaogipa biaprangona bing·tipen chelchakgiparangko donataha. A·sel ong·ao saknaako man·giparangna sana-bananiko on·a doctor aro sangipa dolrangko watataha.
Na·simang ia video-koba nina man·gen:
Na·simang iakoba poraina man·gen: Pahalgam-o bobil dolrang chadrapanichi Arunachalni IAF corporal so·otako man·e sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
