Shillong, April 23: Jammu aro Kashmir ni Pahalgamo bobil dolrang ka·saninggija biap nina re·anggipa manderangko silai goe so·taha jeon sak 26 mang janggi tangko gimaatna nangaha. Ia misilbegipa a·sel ong·ao Indian Air Forceni Corporal Tage Hailyangba so·ota man·e janggi tangko gimaataha. Corporal Tage Arunachal Pradesh ni Lower Subansiri district-ni Tajang minggipa songoni ong·achim.
Bilsi 30 ong·gipa Tage Hailyang Srinagar-ona kam jitatako man·e jik-dedrang baksa nitobegipa biaprangko nina re·angengachim. Manderangni kusi ong·e biaprangko niroroe roramitingo rang·san silongketgrimoni samtangtangchinian bobil dolrang manderangko nisan done silai gochichiaha aro a·songtangni aro gipin a·songni songrebagiparang gimik sak 26 janggitangko galna nangaha.
Ia koborko knaarin Arunachal Pradesh ni skotong minister duk ong·bee kalimani kattarangko social mediarango seataha. ” Tage Hailyiang Arunachal ni ka·donggipa depante ong·achim. Ua a·songtangna kakkete aro kengija warachakgipa ong·achim. Da·alo uko ka·saninggija so·ote galaniara a·songna namen gimabeani ong·aha” ine Arunachal Pradesh ni skotong minister skotong Pema Khandu duk ong·bee parakaha.
The Resistant Front (TRF) bobil dolrang ia misilbegipa kamko ka·aha ine a·kangaha. Baisaran Meadow jekon mini Switzerland of Kashmir ine mingsingachim ua biapko nina songregiparang chongipa gurerango gadoe roramengachim unomiting bobil dolrang ka·saninggija manderangko so·otaha.
Ia a·sel ong·anina ma·mong sorkari chelchakgipa dolrangko bing·tipe donataha. Union home minister Amit Shahba koborko man·e ua biapona re·baaha. A·songni Prime minister Narendra Modi jean Saudi Arabia songreangengachim ia a·sel obostako knae duk ong·beani aro ong·nanggija ong·ani ine parakataha.
Na·simang ia video-koba nina man·gen:
Na·simang iakoba poraina man·gen: 108-o kam ka·giparang Turao tom·a aro sorkario nangnikanirangko dabiangkua
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
