Guwahati, April 24: Jammu-Kashmir ni Pahalgam-o dos gri manderangko bobil dolrangni ka·saninggija so·otanina Assam Congress Minority dolrang Guwahatini Dispuro donggipa Manabendra Complex-o jinma tom·enba bimangrangko tarie so·e galaha.
Bobil dolrangko sandie sastiko on·china aro gimagimin manderangna chong·mot bichalko on·china uamang dabiangaha. ” Pahalgam-o ong·nanggija ong·gipa a·selko chinga jegalenga, ian matburingna batpilgipa gisikni kam ong·a. Uamang Pakistanoni re·bae ia namgija kamko ka·enggiparang ong·a. Sianggimin manderangna aro nokdang rangna chinga chakpaaniko on·enga. Mata-bu·ako man·e sakna-sitengtoe dongenggiparangnaba ta·rake nampilchina chingni bi·ani ong·a. Ia indakgipa a·selranga Home Department-oni nirokna simsakgijanio ong·aha” Assam Congress Minority Department dolni Chairman Salman Khan tom·anio aganaha.
“Kashmiro ong·a obostako chinga raken jegalenga. Modi sorkari re·baonin a·songo tom·tomgijanirang aro bobil dolrangko sandie kam ka·anio namen olgrokaha. Ia indake dos gri manderangni sianina sako dos galbo? Ian sorkarini daito ong·jama?” Minority Department ni district chairperson Rina Begam aganaha.
Na·simang ia video-koba nina man·gen:
Na·simang iakoba poraina man·gen: Pahalgam-o dosgri manderangko so·otgipa bobil dolrangko watjawa ine Modi agana
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
