Guwahati, May 7: Adita salrangna skang, Kashmir a•dokni Pahalgam-o bobil dake chakatgipa manderangni skatang goanio so•ota man•giparangko mande ra•pilskaani chin gita, Indian Army-ni chadrapskaaniko ‘Operation Sindoor’ ine biming donaha.
Re•anggipa April jani 22 tariko, Kashmir a•dokni Pahalgam-o bobil dake chakatgipa manderang, gimik sak 26 manderangko, mongsongbate tourist-rangko, skatang so•ote galahani gimin Budbar pringwalonin India a•songba, Pakistan aro Pakistan Occupied Kashmir (PoK)-o bobil dake chakatgipa dolrangni dongnuchakenggipa biaprangko bomarangchi goe chadrapskana a•bachengataha.
Sorkari official-rangni u•iatani gitade, Pahalgam-o so•ota man•gipa bang•bata manderangkon, uamangni jiktangtangni mikkango so•ote galenba, ia me•chikrangni mikkingo nonggipa ‘sindoor’-ko kimitgalaha ine bobil dake chakatgipa manderang, a•songni Prime Minister Modi-na aganchina watataha.
India a•songo Hindu me•chikrangni ia ‘sindoor’ ba mikkingo totaniara, bia ka•gimin me•chik ine mesokani chin ong•a aro ia ‘sindoor’-ko kimitgalaniara, uni randi ong•aniko mesokani chin ong•skaa.
India a•songni me•chikrangko iandake randi ong•atani gimin me•chikrangko mande ra•e mesokna aro a•jak sokskana gita ia chadrapaniko, India a•songni PM Modi an•tangan ‘Operation Sindoor’ mingchina ku•pattianiko on•aha.
Uni ku•pattianiko Indian Army-ba ra•chakaha aro ia bimingo, bobil dake chakatgiparangko so•ote galna re•chakatangaha.
“Ia Operation Sindoor-ara bobil dake chakatgiparangko bon•atanisan ong•aija, indiba India a•songo songdongenggipa manderangni kosako saknaatani aro duk ong•ataniko a•jak sokgija watjawa ine aganchakaniba ong•a,” ine official saksa aganaha.
Na·simang ia video-koba nina man·gen:
Na·simang iakoba poraina man·gen: A·dok gimiko attamni 4 bajio mock drill aro 6:30 bajio Siren alert-ko on·anggen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
