Itanagar, Apr 24: Re·anggipa Mongolbar salo, Jammu & Kashmir a·dokni Pahalgam-o bobil dake chakatgipa manderangni dosgri manderangko skatang goe so·otanio, Arunachal Pradesh a·dokni Indian Air Force (IAF) Corporal Tage Hailyang-ba so·otako man·aha aro Bristibar salo uni manggisi, Lower Subansiri a·jani Ziro jolo donggipa Tajang songona sokbaani ja·man, Arunachal Pradesh a·dokni manderang, una kalimanirangko dakangtokaha.
Tage Hailyang, 2017 bilsionin IAF-o kamko ka·e a·songna aro a·songni manderangna dangdike on·engachim aro da·o ua Srinagar-oni Dibrugarh-ona kam ra·jitangako man·engahani gimin an·tangni jikgipa baksa chutti ra·e Kashmir a·dokni nitobegipa Pahalgam-o rona re·angahachim. Indake ong·genchimoba rasong gribee ua iandakgipa a·selko chagrongna nangaha.
Corporal Tage Hailyang-ni manggisi sokbaani ja·man Arunachal Pradesh a·dokni Chief Minister Pema Khandu-ba uni nokona re·ange, uni nokdangko grongeaha aro una bon·kame mande ra·pilskaanikoba on·angaha.
Tage Hailyang-na mande ra·pilskaaniko on·angengon, ia a·sel ong·ani somoio Tage Hailyang, joke katna cholko man·achim indiba ua an·tangni janggikon on·kange, sambao donggipa manderangko naljokatna dakchakaha aro ian uni ka·donggipa ong·ani aro a·songna ka·saaniko mesokani ong·a ine Chief Minister Khandu parakataha.
Ia a·selna Tage Hailyang-ni adagipa Tage Mali-ba suk ong·gijaniko parakatengon, uni jonggipa a·songna ka·sae dangdike on·ahachim indiba bobil dake chakatgipa manderang uko aro adita sak tourist-rangko ka·saninggija dake so·ote galaha ine uko so·otgipa manderangni kosako rakbatsranggipa sastirangko on·china didiataha.
Iana skang, Mongolbar walo, IAF Corporal Tage Hailyang-ni manggisiko Assam-ni Cabinet Minister Jayanta Mallabaruah, Guwahati airport-o ra·chaksoaha aro uni manggisiko uni nokdangna pakwate on·atna skang, pulrangko pate mande ra·pilskaaniko dakataha.
Corporal Hailyang-ni nokdangna gong lak 50-ko ex-gratia dake on·gen ine Arunachal Pradesh-ni CM Pema Khandu parakataha aro nokdangni mande saksana sorkari kamko on·na gitaba ku·rachakaniko on·ataha.
Na·simang ia video-koba nina man·gen:
Na·simang iakoba poraina man·gen: Manipurni Gambal aro Haiyang songrango curfewko ra·gata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
