Tura, Aug 10: Pekatgipa bosturang, jekai chu, drugs aro uandakgipa bosturangko jakkalanichi mandena maikai namgijaniko ra•bana man•a, uarangni bidingo agan-talataniko on•na gita Budbar saloni a•bachenge salgnina Meghalaya Administrative Training Institute (MATI), West Garo Hills District Administration baksa nangrime, awareness program-ko Tura-ni District Auditorium-o ong•atangaha.
Ia program-ko ong•atanio India sorkarini Personnel Training Department-ba dakchakanirangko on•aha aro skanggipa salo, dingtang dingtang skulrangoni sak 44 chatro chatrirang bakko ra•angaha.
Ia program-ni skanggipa salo, Tura Civil Hospital-ni ning•o donggipa Psychiatric Department-ni Head, Dr Bolen Sangma, drug addict ong•gipa manderangko sanna banana, detoxification ba be•eno napgimin samni bisirangko talatani aro uandakgipa dingtang dingtang katta bichongrango pangchake, chatro chatrirangna agan-talatanirangko on•angaha.
Ia apsan salon, Tura-ni police officer saksa, sam jakkalgipa aro sam badinggiparangni gisepo mai dakgipa sam ba drugs-rangko jakkalbatengachim, uarangni gimin agan-talatanirangko on•angskaaha.
Ia awareness program-ko ong•atani bidingo MATI-ni official, Keshab Lomsal, Hub News-na talate on•angskaengon, pekatgipa samrangko jakkalani namgijaniko college aro skulrango poraienggipa chatro chatrirangna ma•siate on•na miksonganio ia program-ko ong•ataha ine parakataha.
Iakoba poraie nina man·gen: Pa Himanta, Manipur-o so·so-jengjeng ong·anina Congress dolko daito gnang ine matnange agananga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
