Shillong, June 25: Pekatgipa samko jakkalanirang a·doko batrikrikengon, iandakgipa ong·gija kamrangchi songsalna aro a·dok gimikna namgijaniko ra·baenganiko chu·gimik bon·atsrangna kamrangko ka·na gita Khasi Students’ Union (KSU), mija Sonibar salo parakatan baksa songsaloniko ia ong·gija kamko gimaatna gita gital ja·kurangko de·e kamko ka·chakatskachinaba sorkariko mol·molangaha.
Gital CEC-ni ku·mikchetaniko dakangani somoio KSU-ni skotong dilgipa Lambokstarwell Marngar, jinmana aganprakangengon, song ba gittimni dilgipa nokma-sordarrang aro skulrang baksa nangrime kamko ka·enba pekatgipa samko jakkalaniko chu·gimik bon·atsrangna gita chinga tik ka·e ra·aha, unbaksana songsaloniko iandakgipa ong·gija kamko chu·gimik bon·atna kamko ka·engon gital ja·kuko de·e kamko ka·chakatskaninaba a·dok sorkario chinga dabina nangnika ine ua agandapataha.
“A·dokona pekgipa samrangni sokbaaniara a·doko songdonggipa chasong damberangni mikkangchi janggi tanggniko nosto ka·na ba uamangko bilgriatna gita a·palchini napsrukbae kamko ka·ani gita ong·enga, maina ia mamlao Happy Valley jolniko rim·ako man·gipa manderanga a·palchini re·bagipa manderangsa ong·aniko chinga nikna man·a ineba Marngar parakataha.
Ia dal·begipa kamko chu·sokatna an·tangarichi man·na altua ong·jani gimin, chinga song ba gittimko dilenggipa nokma-sordarrang baksa nangrime kamko ka·gen aro uandake, pekgipa samko jakkaljringgipa manderangkoba an·ching nichanggalgija an·chingni dakchakako nangnikenggiparangna songsalni gita dakchakskana kamko ka·na nanggen ineba ua agandapataha.
Pekatgipa samko niam gri badingsrukenggipa manderang baksa uniform-o ong·gipa manderangni jak dongpaanikoba champengjolna man·na gita drug jakkalaniko bon·atna sorkarini gitaba gital ja·kurangko de·chakatna nangchongmotengani gimin KSU-ni dilgipa, iani bidingo sing·anina aganchakangaha.
“Batanggimin salrango uniform-o ong·gipa manderangni iandakgipa ong·gija kamo jak dongpaaniko chinga nikna man·a, indiba gimikan apsan inede chinga aganjaenga indiba cha·ugipako, cha·ugipaskachi rim·na man·na gita sorkarini niroke kam ka·atanikoba nangchongmotenga ine ua aganangkuaha.
Iakoba poraie nina man·gen: Sorkari baksa tom·tomanina songgigrikaniko dakangna HNLC, uamangni kosako segatgimin mamlarangko ra·pilchina sorkario dabia
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
