Nongpoh, Oct 29: Mongolbar salo, re•baenggipa 2025 bilsini January 1 tariko bilsi 18 gapenba pu•onna kragipa voter-rangni bidingo, Nongpoh-ni Deputy Commissioner Office Conference Hall-o, Photo Electoral Roll-ni Special Summary Revision ba nipiltaianiko dakangaha. Ia programme-ko, dingtang dingtang Political party-rangni dilgiparangni dongpaanio, Additional Deputy Commissioner, B. K Ranee, MCS dakdilangaha.
Addl. Deputy Commissioner, B. K Ranee jinmana aganengon, Booth Level Officer-rang nok-oni nokona re•e sandianiko October 18 tarikon dakangaha aro re•baenggipa November 15,16, 21 aro 22 tarikrango Special Campaign-koba ong•atanggen. Indake, saoba maiba jeani aro a•kanganirang donggenchimode uarangko dakna gita October 29 tarikoni November 28 tarikona somoiko on•enga aro iarangko ra•galpilani donggenchimode, December 24 tarikna skang dakna man•gen. Ia pilak matchotman•ahaon, 2025 bilsini January 6 tariko gitalgipa Electoral Roll-ko chappa ka•gen ine aganaha.
Unbaksana, bilsi 18 gapgimin chadamberang an•tangtangni bimungko electoral roll-o segatchina u•iataniko on•china pilak Polling Station-ni BLO-rangko ua didiatan baksa, Mawhati (ST) Assembly Constituency aro Jirang (ST) Assembly Constituency-ni ning•o ge•prak gital polling station-ko songaha ineba u•iatangjolaha.
Na·simang ia video-koba nina man·gen:
Na·simang iakoba poraina man·gen: JHADC-ni CEM, Jowai Loomsooiung-ni Jaintia Durbar Hall-ko nokdonggae on•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
