Tura, Feb 23: Phulbari-o Rivermount Excellence Academy-ni gital skul nokko Sonibar salo, Meghalaya a·dokni Power Minister Abu Taher Mondal, nokdonggae on·angaha aro ia skul nokko nokdonggaanio, MREDC-ni Deputy Chairman Arbitson A Sangmam gitcham MDC Fozibur Rahman aro dingtang dingtang official-rangba bak ra·angaha.
Ia gital skul nokko nokdonggae on·anganio Mondal, jinmana aganprakengon, ia gital skul nokko matchote rikna man·ahani gimin School Managing Committee (SMC)-ni membor-rangko, skigiparangko aro skulni principal-ko mittelpilangaha. Batanggimin adita bilsirangni gisepo songadam nokadamrangoba skulrangko bang·en rike on·na man·ahani gimin lekka porani a·bao dingtanganiko nikna man·engaha ineba ua aganaha.
Phulbari jolrango chu·onga gita skulrang dongjani a·selan manderang an·tangtangni dedrangko chel·a biaprangonasa watate lekka porako ra·atna nangenga ine janapatengon, batanggimin bilsi 20-ni gisepo ia jolrango namnamgipa skulrangko kulie on·anian uni mongsonggipa nangnikani ong·achim ine Mondal aganaha.
Jolni bi·sarangko mikkangchi mande ong·atna gita nambate skie on·china ua skulni skigiparangnaba agan-ku·pattianirangko on·angaha.
Ia tom·anio, Rivermount Excellence Academy-ni Principal Minal Huda-ba jinmana aganprakengon, ia skulko re·dilna gita uko seokahani gimin SMC-ni membor-rangko mittelpilangenba, ia skulni miksonganirangko agan-talate on·angaha.
Na·simang ia video-koba nina man·gen:
Na·simang iakoba poraina man·gen: JHADC election-na vote pu•ontaiani name matchotanga, Jaintia Hills-o vote ka•giparang 85% gapa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
