Tura, April 19: Garo Hills Autonomous District Council-ni kajina gilani bidingo uiataniko MDC gitcham Sofior Rahman uisrete video ge·sa tarie gipin jatrang a·ako brena man·jawa aro kattarangko on·jawa ine aganaha. Indiba ian uisretanisa ong·aia, District Council maming dakeba iako aganja. NPP jean GHADC ko chalaiengachim uamangni nangnikaniara a·kawe jolrango songdongenggiparang an·tangtangni a·ani nangchongmotgipa lekkarangko renew ka·taina nanga aro kajina rangko on·chongmotna nanga inesa ge·etaniko on·aha.
“March 11 tariko ge·etgipa chittiara a·ani kajinarangko gamchinan ge·etaniko on·aha. Uan a·a patta tarina ba brena man·gijaniko mamingba janapa gri. Unigimin plain belt jolo songdongenggipa sakanti a·ani kajinako gampachina uiatpaenga” District Unit and In-charge of Minority Affairs and plain Belt Areas Andreash Ch Marak aganaha.
“Mouza VI aro VII jolo songdongenggiparang a·arangko breani aro palanio mamingba kangbingani dongja, uamang jakgitel ong·aia. Chinga saksa sakgipin ni bil aro man·gniko namen mande ra·a” ua agandapaha.
GHADC ni uiatgipa (Ref No. GHADC-REVMISC-III/1417/18 3768-3771 dated March 11, 2025) chittio je mangan uamangni pattarangko renew ka·ja uamangoniko kajinarangko chimongkunabe ine janapaha. Ia chittiko pangchakesa GHADC ni MDC Sofior Rahman ong·gija uisrete facebook pageo video tarienba watataha. GHADC dingtang electoral rollko tariode chinga plain belt jolo songdonggipa rang GHADC oni ong·katsranggen ineba Rahman ka·mikenatahachim.
Da·ona kingking chinga ia dingtang electoral rollko tarikujaenga. Unigimin ia indake tol·mikbrange manderangko mitchigrikatania namen namjabea, unigimin Rahman iarangko jinmana aganengon simsakbena nanga ine Andreas Marak aganchakaniko on·e talataha.
Na·simang ia video-koba nina man·gen:
Na·simang iakoba poraina man·gen: Assamo IPL Cricket kal·susaaniko ra·e chitti kal·giparangko pulisrang rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
