Adampur, May 13: Mongolbar pringo, India a•songni Prime Minister Narendra Modi, Punjab a•doko donggipa Jalandhar-oni km 25 chel•ao donggipa Adampur Air Base-ona re•ange, Indian Air Force (IAF)-ni sipairangko grongeaha.
Adita salrangna skang, Pakistan aro Pakistan-occupied Kashmir (PoK)-o ma•chakenggipa bobil dolrangni a•tiprangko chadrapani ja•man, a•song damgnini gisepo so•sojengjeng ong•engmiting somoirango IAF-ni sipairang, ia Adampur Air Base-onin bobil dolrangko warachaksoaha aro uandaken Mongolbar pringo a•songni Prime Minister, ia sipairangko mittelpilna aro ka•dongataniko on•na ia biapona re•angaha.
Adampur Air Base-ona re•ange IAF-ni sipairangko grongengon, Pakistan-ni goatenggipa drone-rang aro missile-rangko warachaksoahani gimin aro a•songko chel•chakahani gimin PM Modi, IAF-ni sipairangko mittelpilangaha.
IAF-ni sipairang baksa agangrikengon, uamangni on•kangani, ka•dongani aro namgipa bewalrangna da•alo India a•song rasong chaenga ine PM Modi aganaha.
Uamangni kamrango a•song gimikan bakrimaniko on•enga ine janapatengon, “Operation Sindoor-ni ning•o na•simangni ta•rakbee kamrangko ka•anichi chansokpilgija janggirangko jokatna man•aha aro iana anga na•simang sakantikon salam ka•enga. A•songni bilko saoba ra•bigenchimode India maming saloba bame on•jawa aro iako bobilrang ma•sichina,” ine PM Modi aganaha.
Na·simang ia video-koba nina man·gen:
Na·simang iakoba poraina man·gen: Kashmir-o Lashkar-e-Taiba bobil dolni sakgittamko so•ote gala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
