Guwahati, March 9: Sonibar pring-o, Prime Minister Narendra Modi, UNESCO-ni World Heritage Site-ona re•ange skanggipa Mihimukh, park-ni Central Kohora Range-o mongmao gadoe re•roroe nianiko dakanga jaman Jeep gario gadoe re•roroe park-o donggipa matburingrangko nianiko dakangkuaha.
Prime Minister, sakantikon ia park-ona re•bae Assam a•dokni dingtangmancha nitoani aro manderangni ka•ase soka chakani bewalrangko u•ie ma•si ra•epachina gitaba uni Twitter-o parakataha.
“Anga da•al pringni bako Assam-ni Kaziranga National Park-ochim, jean tangsekgilgil buringni bijangchio donggipa ia UNESCO-ni World Heritage Site-ara rokomanti matburingrang aro ma•manti sambolrangan gapgipa biap ong•an baksana grong ge•sangipa batburing ba gundu-ba iano gnang,” ineba ua Twitter-o parakatkuaha.
Prime Minister baksa, ia park-ni Director Sonali Ghosh aro gipin dal•dalgipa Forest Official-rangba re•roroe nianiko dakangpaaha.
Ia Kaziranga National Park, tangsekgilgil sambolrangan gapgipa ong•e banga matburingrang jekai matcha, mongma iarangni dongchakram biapba ong•a aro a•gilsak gimiko Indian-ni grong ge•sangipa gundu bangbatgipa biapba ong•a. Aro ian samtangtango donggipa sambolrangko namnikgipa manderangna nambatgipa biap ge•sa ong•a.
Prime Minister Narendra Modi, Sukbrobar attamo Kaziranga-ona sokbaaha aro ua salgnina donganggen.
Na·simang iakoba poraie nina man·gen: Me·chikrangna minge tangka chamsoaoni 18%ko an·seng-baljokanina jakkalgen: Ampareen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
