Agartala, Dec 22: India a·songni Prime Minister Narendra Modi-ni dilanichi Tripura a·doko tom·tomani aro namroro silroroaniko nikna man·engaha ine Robibar salo, Union Home Minister Amit Shah parakataha.
Robibar salo, Tripura a·dokni Dhalai a·jao jinmana aganprakangengon, ma·mong sorkari baksa songgigrikanichi Reang Tribal jatni bilsi 23-na neng·nikanirangko bon·atanian, Tripura a·doko tom·tomani aro namroro silroroaniko ra·bana cholko tariani ong·aha ine Shah aganaha.
Union Home Minister Amit Shah-ni Tripura a·dokona re·baanio, ua Reang Tribal camp-rangona re·ange agangrikeaniko dakaha aro gong crore 668.39-ni ming 13 project-rangkoba internet gita a·bachengate on·angaha.
Ia ming 13 project-rangoni mongsonggiparangara, Agartala Smart City-ni ning·o donggipa Sewage Treatment Plant, Centre Detective Training Institute-ko kuliani, rama jal·langrangko namdapatani, health centre-rang aro administrative centre-rangko taridapanirangan ong·achim.
Ia tom·anio Shah, gitcham sorkarirangkoba Tripura a·dokni Reang Tribal aro gipin jatrangko nichanggalahani gimin matnangataha.
BJP-chi dilenggipa sorkari, Tripura a·doko sak 40,000-mangni gita Reang Tribal-rangna dam 12 biaprango songdongna gita cholrangko on·aha ine janapatengon, ia nokdangrang, BJP sorkarina skangde maming pangchakani gri janggi tangna nangtokachim indiba da·alo uamango nokrang, chirang, bijolirang, sanna banani cholrang, lekka pora, rama jal·lang aro pilakkon man·enga ine Shah aganaha.
Na·simang ia video-koba nina man·gen:
Na·simang iakoba poraina man·gen: Assam Rifles dolrang kror 78-mangni gita Yaba tablet ba pekatgipa samrangko man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
