Shillong, Oct 16: Shillong songjinmani Police Bazar-o wa•al kamgopgipa building-ko Sombar salo, Meghalaya a•dokni Chief Minister Conrad K Sangma nina re•angaha aro unbaksana a•dokni Chief Secretary DP Wahlang, DGP LR Bishnoi aro gipin official-rangba dongpaaha.
Police Bazar-o donggipa building damsako Sonibar salo wa•al kamahachim aro ia wa•alko kimitna gita konta 24 batpile nangahachim.
Ia building-ko wa•al kamanio mande saksa siangna nangahani gimin Sombar salo, a•dokni Chief Minister, wa•al kamgipa biapko niangaha aro iani bidingo official-rang baksa agangrikani ja•man, ia a•selni bidingo report-ko on•china gita ge•etangaha.
Ia a•selni bidingo ta•raken sandirokaniko dakchina aro maini a•sel wa•al kamahachim, uko sandichina gitaba Chief Minister, official-rangko ge•etangaha.
Ia nokko wa•al kamanichi duko ga•akenggipa nokdangrangnaba ua an•tangni kalimpaaniko parakataha.
Ia building-ko wa•al kamanio, wa•alko kimitna gita rakbee kamrangko ka•ahani gimin aro gipin biaprangona wa•alrangni giproroaniko champengna man•ahani gimin ua dingtangmancha, wa•al kimitgipa dingtang dingtang dolrangkoba mittelpilataha.
October-ni 18 tariko a•dokni Cabinet tom•engani gimin Cabinet-ni tom•anio ia a•selni giminba chanchirimanggen ineba Chief Minister parakataha.
Iakoba poraie nina man·gen: Dam 13 a•songrangoni sak 22 delegate-rang Meghalaya a•doko rubber bolrangko ge•a gamaniko nirokna sokbaa
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
