Dibrugarh, Jan 5: Dibrugarh-o Additional Superintendent of Police-na, dangdike on•enggipa Personal Security Officer (PSO), Madhab Chutia minggipa police constable saksa an•tangni ra•bitenggipa AK-74 service rifle-chi an•tangko gomane robibar salo janggitangko gimaataha.
U•iatani gitade, sianggipa constable an•tangni service rifle-ko rongtalatmitting somoio gual gual trigger ba slai gogipako pe•atman•enba, uni ka•bak gita napongpilenba nokni TV-o napketpilaha. Sanna bannaniko on•a gita uko Assam Medical College and Hospital (AMCH)-ona rimanggenchim ong•oba, ua saknaa amjae janggi galaha.
Iani bidingo am•sandianiko dakon, ua an•tangni AK-74 service rifle-ko rongtalatmitting somoio an•tangko gomane siaha ine nikna gita man•aha, inenba police official saksa u•iataha.
Re•anggipa 2024 bilsini December jani 9 tarikoba apsandake, Dibrugarh-ni SBI ATM-o security guard donggipa Jiten Saikia minggipa saksaba, Gandhi Nagar jolni Enajori Path-o uni donggipa noko an•tangni ra•bitenggipa silchidarechi ja•atangko gomane bilongbee saknaako man•enba adita somoirangni jamanon janggitangko gimaataha.
Iandakgipa a•sel obostarangko champengna gita authority-rang silchidare jakkalgipa pilak sipai dolrangko simsakbataniko dakchina gita didiataha.
Na·simang ia video-koba nina man·gen:
Na·simang iakoba poraina man·gen: Salgro Salaram jolni a•dokrangna kror 50-ni fisheries project-ko a•bachengatgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
