Guwahati, April 27: Sonibar attamo, Assam Christian Forum, North East India Regional Bishops’ Council, CRI aro Guwahati-ni Archdiocese baksa apsan nangrimenba, Pope Francis sagiko gisik ra·e mande ra·ani bak gita Guwahati-ni Panbazar-o donggipa Don Bosco Secondary School Hall-o Memorial Service-ko ong·atangaha, jeon bang·bea Father ba kamalrang, Sister-rang aro dingtang dingtang gilja nokrangni aro Don Bosco School-rangni chatro chatrirangba bak ra·angtokaha. Pope Francis sagiko mande ra·ani gita Sister-rang aro chatro chatrirang bi·aniko dakan baksana ring·mitelani gitrangko ring·angaha.
Archbishop Thomas Menamparampil, Pope Francis-ni sianina gisiko suk ong·gijaniko parakatengon, a·gilsako janggi tangenggipa pilak manderangan dingtang dingtang ong·genchim ong·oba an·ching sakantian dal·begipa nokdang ge·sani manderang gita ong·a ine Pope Francis pangnan ku·pattianirangko dakrongachim ineba janapataha.
Guwahati-o Selesian Sister-rangni skotong ong·enggipa Rev. Sr. Mabel Gothorp, Pope Francis-ko manderangni Pope ine aganenba, kangal cholgrirangna ka·sae simsakanina aro darang baksan melianina de·mittele aganangaha.
Pope Francis aro uni ka·saani kattarang, ku·mong meli nangrime donganina ku·rang on·ani aro ka·sachakanirangko mande ra·ani gita una bi·chakanirang, gisik ra·anirang aro ka·saanian ia attamni bako gapaiaha.
Na·simang ia video-koba nina man·gen:
Na·simang iakoba poraina man·gen: Mandeko toromchi ong·ja jatni dakbewalchisa ma·sina nanga: Rakkam
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
