Tura, April 21: Pope Francisni a·gilsakko wate re·anganina Catholic Bishops Conference Of India (CBCI) aro Conference Of Catholic Catholic Bishops Of India (CCBI)ni ge·etani gita Catholic bebe ra·giparang sal 9 na kalimpaaniko dakgen aro April 24 tariko dingtangmancha Pope Francisna bi·aniko dakgen ine Tura Diocese oniba manderangna parakataha. ‘Mondolio dangdikenggiparang aro katholic bebe ra·gipa salanti-sakprakrakan Pope Francisna kalimani ko aro uni janggina bi·chakaniko dakgen. Pilak Parishrang, mondolirang iano bak ra·pagen’ ine Auxiliary Bishops Jose Chirackal uni seatgipa chittio janapaha.
Pope Francisni janggina dingtangmancha bi·chakaniko April 24 tarikni attam 5: 30 bajio Turani Sacred Heart Shrine-o ong·atanggen. Mongolbar salo Katholik skulrang chuttiko man·jawa, indiba uko gopani salosamangmang chutti wataniko koborko on·atgen ineba Bishop talatangaha.
” Pope Francisni mingnama kamrang an·chingna bang·a skiani ong·china, uni ja·kurangko an·chingba ja·rikna, aro saksa-sakgipina ka·sagrike a·songko, songsalko an·ching tom·tomgipa aro namroro-silroroatgipa ong·na” ineba Auxiliary Bishop aganaha.
Na·simang ia video-koba nina man·gen:
Na·simang iakoba poraina man·gen: “Isolna kakket ong·e dangdikanichi Pope Francis manderangni ka·tongko salaha” : Conrad Sangma
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
