Guwahati, Apr 21: Pope Francis-ni a•gilsakko watanganina Northeast India Regional Bishops Council-ni Secretary Father GP Amal Raj, an•tangni kalimpaaniko parakataha.
“Da•alo an•chingni Pope a•gilsakko wate re•angaha aro uni a•gilsakko watanganina chinga namen ka•a be•a. Pope Francis, saksa Kristoko bebera•gipa ong•e, Jisu Kristoni bewalo janggi tangaha aro sakgipinrangnaba namgipa dakmesokaniko on•aha. Be•enni gita an•senggijaniko man•e Pope Francis, hospital-o dongna nangaha aro uko hospital-oniko watpilahachim. Indiba da•al pringni bako ua a•gilsako dongjaha ine chinga ka•a be•ani koborko man•soaha,” ine Fr Raj, kobor ra•timgiparangna aganaha.
Pope Francis-ni a•gilsakko watanganina India a•songni salgro salaram jol gimiko donggipa Catholic Mondolirang aro Regional Bishops’ Council, kalimpaaniko parakattokaha.
“Chinga pilak giljarangon Pope-na rongtalgipa Misa Boliko on•china aro bi•chakchina u•iataha. Pope-ni sianina, Catholic bebera•giparangni niamo pangchake pilak Catholic institute-rangkon Mongolbar salo chipe dongen,” ineba Fr Raj parakataha.
Na·simang ia video-koba nina man·gen:
Na·simang iakoba poraina man·gen: Boko-o chang 113-gipa Suwori Bihu-ko manianga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
